一品雞煲火鍋

營業中

休息中

見一品雞煲新開張 咁就去試下八點半收工 就行過去未行到門口就已經見到一地都係花牌都唔知點解散到一地都無人執下上到去唔洗等位 好快入座咁上到去叫左個麻辣雞煲一隻雞嗌左個中辣黎左個小辣個雞煲同食物都黎得算快既不過啤酒同飲品就黎得好慢 嗌左個青檸水個杯好大 好大杯 入面有兩片青檸做點綴個雞煲就都幾咸下 不過問題唔大既 嗌多幾支酒就解決到一品個老闆係咪史提芬周？啲食物有幾咸整幾咸 啲冰有幾大舊得幾大舊 青檸落一兩片點綴下就夠食完啲雞就打邊爐 叫左加水好耐 呀姐俾左壺凍既水 叫我自己黎就係咁 我同朋友一行三個人等左差唔多二十分鐘等水滾三個人叫左五份配料左右 好快都食哂食物質素都唔錯既 食得都幾飽然後頭先嗌極都唔見人既待應終於見到人啦好盡責地問我地食物到齊未同幫我地埋單都好熱心地解釋因為有人等位希望我地食完盡早離開咁岩坐係卡位 望落街無人等位 同時眼見仲有幾枱吉位當時我地仲有一支酒未飲 不過既然都出到聲請我地離開 我地都諗住飲埋就走係飲完支酒期間 員工都表現積極 落力地清走枱面餐具好讓我地專心飲完一支酒 呢一個時刻一品既員工充份表現出佢地既效率酒都未飲完 銅鑼灣一品既員工已經set好張枱俾下一手