博多拉麵別天神 (已結業)

一段時間冇食拉麵啦，又係時間搵啲拉麵同男朋友去試下！😉「別天神」，座位係日本式既一條長枱，圍住開放式廚房。—拉麵得2款，唔洗揀食咩啦，一人一款。寫明湯係冇加味精，100%純豚骨煲成。—小龍蝦蟹子沙律餃子(6隻)兩個麵都叫左套餐，一個跟餃子，一個跟沙律。餃子非常普通，皮亦唔係好脆。試一次就算。😖小龍蝦蟹子沙律反而唔錯，凍既沙律，少少酸酸地。食到細細粒既蟹子，仲有唔少小龍蝦肉，作為前菜小食唔錯。😜—蝦味噌豚骨湯麵有好多乾蝦仔，蝦味非常濃郁，但唔會搶左豚骨湯既味道。麵軟硬適中，冇乜鹼水味，一啖麵一啖湯，相當唔錯！😚豚骨湯麵雖然蝦果個濃味少少，但藍妹反而鐘意清淡既原味。一飲豚骨湯，一啲都唔咸，好香醇，淡淡既豚骨味，反而令人更想飲哂佢。—配菜唔係特別出色，呢間既重點真係湯頭，如果鐘意清淡既湯頭，一定要試下。😎