Grom (已結業)

本人超鍾意食雪糕，去意大利更加係一日兩杯gelato先夠滿足。久仰grom大名，終於有機會一試。一杯細雪糕可以揀兩款口味，但要$59，媲美一餐午飯價錢，我估舖租都佔左$30。佢雪糕味道有好多款，有啲係每月special。第一次黎都係試返最Classic嘅味啦。點左個兩球，為左食得更暢快，特登要筒唔要杯。大熱開心果味同埋crema di grom。前者好重開心果味，質地比軟杰，食落口好似黏黏韌韌咁，唔太甜，正。後者奶香好重，加左粟米餅乾同埋朱古力，好滑。果然名不虛傳。另食雪糕用筒點都係暢快啲，可惜溶得太快，食到好論盡。大家如果同小朋友黎記住要用杯！