影片
更多
2018-06-29
103 瀏覽
粥底火鍋近兩年開始興起，我只係食快餐店既粥底火鍋，今次就等我試下一個正宗既粥底火鍋先呢間餐廳係以人頭計，有兩種套餐可以揀，主要係包果8種主食唔同我地就揀左$198呢個套餐，除左8種主食之外，仲可以自己配搭6款配料，55款配料，實有一種岩食因為係第一次食粥底火鍋，所以其實都唔知煮粥底火鍋既步驟，餐廳係呢方面非常貼心，除左有介紹粥底火鍋既來源之外，仲準備左個詳盡既教學比食客參考由於呢間餐廳既粥底火鍋係主打海鮮，所以每一類海鮮佢地都有建議既烹調時間，我地有呢個guideline跟住黎煲，一定唔會煲過左火個湯底黎左喇，就咁睇好似米水咁既色，但其實食落好夠味！呢一大盤係個套餐包既8種食材，包括：奄仔肉蟹(半隻)、多寶魚、生猛海蝦、新鮮鮑魚、貴妃蚌、海沙白、黃沙蜆、頂級肥牛，我特別欣賞下面果幾種食材：一人一隻又大又肥美既鮑魚半隻奄仔蟹，蟹殻有少少蟹膏，蟹肉好鮮甜！黃沙蜆，每一隻都好新鮮，放10隻落煲，10隻都開口，肉質彈牙，又有鮮味！呢碟頂級肥牛真係要讚一讚，最中意既係D牛唔會好肥，而且好有牛味，估唔到除左海鮮出色之外，連肥牛都咁出色！根據教學，食晒D海鮮之後，就要將南瓜、芋頭同粟米放入個煲入面慢
呢間餐廳係以人頭計，有兩種套餐可以揀，主要係包果8種主食唔同
我地就揀左$198呢個套餐，除左8種主食之外，仲可以自己配搭6款配料，55款配料，實有一種岩食因為係第一次食粥底火鍋，所以其實都唔知煮粥底火鍋既步驟，餐廳係呢方面非常貼心，除左有介紹粥底火鍋既來源之外，仲準備左個詳盡既教學比食客參考
由於呢間餐廳既粥底火鍋係主打海鮮，所以每一類海鮮佢地都有建議既烹調時間，我地有呢個guideline跟住黎煲，一定唔會煲過左火
個湯底黎左喇，就咁睇好似米水咁既色，但其實食落好夠味！
呢一大盤係個套餐包既8種食材，包括：奄仔肉蟹(半隻)、多寶魚、生猛海蝦、新鮮鮑魚、貴妃蚌、海沙白、黃沙蜆、頂級肥牛，我特別欣賞下面果幾種食材：
新鮮鮑魚
12 瀏覽
0 讚好
0 留言
一人一隻又大又肥美既鮑魚
奄仔肉蟹(半隻）
2 瀏覽
0 讚好
0 留言
半隻奄仔蟹，蟹殻有少少蟹膏，蟹肉好鮮甜！
黃沙蜆
8 瀏覽
0 讚好
0 留言
頂級肥牛
3 瀏覽
0 讚好
0 留言
根據教學，食晒D海鮮之後，就要將南瓜、芋頭同粟米放入個煲入面慢慢煲
之後就開始放自己㨂左既配料入煲度：
滋補花膠
1 瀏覽
0 讚好
0 留言
滋補花膠，第一次打邊爐食花膠，佢吸晒個湯入面既精華，同平時煲湯既花膠完全唔同口味，每食一啖都覺得自己食緊好多骨膠原，對女孩子黎講更加係美顏
順德手打肉丸
13 瀏覽
0 讚好
0 留言
呢個肉丸同出面食既一般肉丸唔同，真係手工搓出黎，豬肉同梅菜搓埋一齊，就好似將梅菜豬肉搓成丸狀咁
油麥菜
7 瀏覽
0 讚好
0 留言
食得7788，我地就將煲入面既食物盛起，然後開始煮個粥底喇
粥膽
3 瀏覽
0 讚好
0 留言
話明粥底火鍋，當然要有個粥膽啦，將個粥膽同頭先煮既湯底攪拌，製成品終於完成
呢個粥係出面絕對食唔到，因為係由多種海鮮同肉類煮出黎既，個粥吸晒多種食材既精華，既有肉味，又有海鮮既鮮味，仲有南瓜同粟米既蔬菜甜味，認真好正！！
第一次食正宗既粥底火鍋，好有驚喜！呢間餐廳選用既食材都好新鮮，就係用咁新鮮既食材先可以熬出咁出色既粥，呢個絕對係呢煲粥既成功之道！呢個套餐特別適合中意食海鮮既食客添呀！！
題外話/補充資料：
餐廳侍應非常貼心，會時不時過黎幫我地加湯，如果唔係最後都煲唔成呢煲粥
(以上食評乃用戶個人意見 , 並不代表OpenRice之觀點。)
張貼
