圍威喂正宗養生海鮮火鍋專門店

營業中

休息中

同事今日提起同朋友去深水埗食火鍋放題，店名叫圍威餵正宗養生火鍋，有雞煲、海鮮、養生湯、火鍋，雞煲和火鍋係任食，啤酒汽水任飲，唔洗$300限時3小時又唔洗加一，提起都想食，咁就今晚約埋阿女一齊食返餐。餐廳地方不大，設有火鍋配料、飲品自助區。整體乾淨衛生，臨近聖誕，餐廳佈置得好有聖誕氣氛。入座後即送上小食和養生湯。冷盤小食有魚皮、芥末八爪魚、中華沙律，帶子裙邊，全部都係爽口小食。每人一盅養生湯，人參烏雞湯好足料又夠火候，湯汁香甜帶人參香味，今日天氣凍，飲咗全身暖笠笠，好滋補。雞煲份量都好多，辣度揀咗小辣，雞肉嫩滑入味，中間仲有幾塊粉皮，件入濃郁的醬汁，好惹味！熱辣辣海鮮船上枱，一大鍋份量十足，面上鋪滿海鮮非常吸睛，大頭蝦、蟶子、大蜆、蠔和鮮魷等都好新鮮，因加上好多蒜蓉蒸，所以蒜香味濃且鮮甜，中間係烏冬和粉絲，上面加埋芝士粉，撈勻食口感層次豐富，海鮮底還有豆苗，吸收蒸海鮮時的精華，十分美味。食完雞煲就轉打邊爐，另選湯底五選一，揀咗情傾特濃潮汕夜，即係沙嗲湯底，大大鍋好香濃。牛頸脊是肥牛的入門部位，味道清甜，肉質軟滑易入口。自助區內火鍋配料，蔬菜、丸類、菰類等大部份都有，款式都不少。