Home‧焙小日子 (希慎廣場)

營業中

休息中

聽過呢間整蛋糕都有一段時間，喺唔同嘅商場都有見過佢哋嘅分店，玩過先知原來咁好玩。基本上整蛋糕或者整嘢食都係唔多經驗嘅我，整完呢個都真係好有滿足感同成就感。基本上佢哋嘅物資同整蛋糕嘅器皿都非常乾淨，就好似一個好似屋企嘅地方咁，你用嘢同食佢嘅野都會好放心。特別係屋企呢排多左個小朋友，我哋整蛋糕氹佢開心，慶祝生日係一個唔錯嘅選擇。又或者如果你好鍾意整蛋糕，如果朋友有乜嘢慶祝活動都可以整一個蛋糕以表誠意。我自己都幾滿意佢地嘅服務，而且如果你整到有少少地方需要幫手嘅時候佢哋都會有支援。今日我哋整咗兩個蛋糕，另外一個動物蛋糕真係非常之勁，睇個樣好似好專業咁。原來只係焗幾層餅底，加上生果，再加上忌廉加少少裝飾就可以完成。我自己整嗰個就較為簡單，女仔一定鍾意。琥珀伯爵生乳酪，茶味香濃，又唔肥，好適合愛茶人士，而且生彩略感覺還不錯。呢度嘅蛋糕選擇真係有好多，基本上你可以按自己嘅所想來整，四百幾蚊，有得食又有得玩，其實真係算唔錯。