NeNe Chicken (形點 I) (已結業)

呢間之前劉在錫代言既炸雞店都係香港開左好耐，今次見有85折優惠就約埋老友黎試，平日夜晚黎都算幾多人，要排一陣隊人，但15分鐘左右都入得了。入坐睇完餐牌叫左3樣野，自選雙拼炸雞（揀左韓式甜辣醬同初雪），初雪其實就係芝士粉，1份蔘雞湯同芝士蛋牛肉炒飯，先講講炸雞就真係一般般，係熱係脆但唔juice，都係炸定晒擺左係度果d，叫做好食過kfc，蔘雞湯其實未叫我都知麻麻，但老友想試，結果就真係非常麻麻，個湯無乜味，d雞又鞋，我飲左1細碗就成煲叫老友清晒佢了，個炒飯就叫不過不失，如果個飯乾身少少就更好食。飲品方面差唔多d特色飲品都話無，得普通啤酒同燒酒，soda,服務方便之前睇食評都好多劣評，但我今次去就應該改善晒，整體員工都好有禮貌同有效率。