榕記車仔麵 (已結業)

又回到九龍城！朋友話唔一定又食泰國菜既！推介我地試呢間車仔麵！見到都有唔少熟客bo!雖然話就話係車仔麵，但係都見到有唔少特色嘅湯底可以選擇！好掙扎究竟要胡椒豬肚湯，定係酒香藥膳雞湯好，最後要左後者。雞湯清甜濃郁，可以飲到好香嘅當歸味。麵筋煙韌， 吸收晒湯底嘅精華，冬菇亦夠林。店員推介呢度嘅菜甫煎蛋，雞蛋應該加咗少少鴨旦，非常香，菜甫爽口又唔會覺得苦，的確值得推介！另一個餸係咖喱魷魚，店員好細心咁樣將個魷魚另上，咁啲咖喱汁就唔會撈埋落個湯底度啦！魷魚好爽口彈後咖喱汁鮮甜，不算太辣。總結覺得餐廳嘅湯底的確幾有特色，打破咗一向以來車仔麵嘅傳統，有點新意！