影片
更多
2016-08-23
1676 瀏覽
同屋企人係旺角搵嘢食，朋友介紹我哋去呢間新開嘅西式餐廳。餐廳入口雖然對正Nathon Road，但唔多起眼，絕對要落足眼力先搵到。餐廳設於地庫，一落樓梯就見到另一留景象。裝修格調令人感覺非常舒適，西式佈置唔太嚴肅，有輕鬆悠閑嘅感覺。店內空間用活動分隔，如果多人來嘅話可以包場呀！店員服務非常殷勤，馬上帶我地去座位，遞上餐牌，仲介紹左唔少食物俾我哋添。餐牌上面選擇都唔少，但亮點絕對係二人餐，有齊頭盆、餐湯、主菜、同甜品，都係三百幾蚊，比散叫平一大截架！我哋叫咗一個豐富二人餐，頭盤有三款，我哋以為要三選一，點知原來係三款都有得食。主菜我哋揀咗一羊架，一意粉。《三式頭盤》三式頭盤包括鵝肝多士，煙三文魚蘆筍卷，同巴馬火腿蜜瓜卷，呢個頭盤非常豐富。鵝肝多士非常香脆，上面嘅鵝肝厚厚一大件，火候控制得極好，外脆內軟，一咬落去有好香嘅油流出。巴馬火腿蜜瓜卷呢，蜜瓜非常甜，係高級貨，而巴馬火腿既選料亦都好認真，成個組合好清新。三文魚蘆筍卷就稍為遜色少少，蘆筍唔夠嫩，扣左少少分。整體而言，呢個頭盤都係好吸睛，亦都令人食慾大開，對嚟緊嘅食物好有期望。《燒羊架》呢個主菜絕對係成餐飯嘅亮點，羊架新鮮，薯蓉軟滑。羊
餐廳設於地庫，一落樓梯就見到另一留景象。裝修格調令人感覺非常舒適，西式佈置唔太嚴肅，有輕鬆悠閑嘅感覺。店內空間用活動分隔，如果多人來嘅話可以包場呀！
店員服務非常殷勤，馬上帶我地去座位，遞上餐牌，仲介紹左唔少食物俾我哋添。餐牌上面選擇都唔少，但亮點絕對係二人餐，有齊頭盆、餐湯、主菜、同甜品，都係三百幾蚊，比散叫平一大截架！
我哋叫咗一個豐富二人餐，頭盤有三款，我哋以為要三選一，點知原來係三款都有得食。主菜我哋揀咗一羊架，一意粉。
三式頭盆
27 瀏覽
0 讚好
0 留言
三式頭盤包括鵝肝多士，煙三文魚蘆筍卷，同巴馬火腿蜜瓜卷，呢個頭盤非常豐富。鵝肝多士非常香脆，上面嘅鵝肝厚厚一大件，火候控制得極好，外脆內軟，一咬落去有好香嘅油流出。巴馬火腿蜜瓜卷呢，蜜瓜非常甜，係高級貨，而巴馬火腿既選料亦都好認真，成個組合好清新。三文魚蘆筍卷就稍為遜色少少，蘆筍唔夠嫩，扣左少少分。整體而言，呢個頭盤都係好吸睛，亦都令人食慾大開，對嚟緊嘅食物好有期望。
燒羊架
25 瀏覽
0 讚好
0 留言
呢個主菜絕對係成餐飯嘅亮點，羊架新鮮，薯蓉軟滑。羊架一客有三件，十分足料。一上枱已經香氣四溢，羊架火候控制極佳，外皮燒到非常香脆但冇燒焦，切開見到粉紅色，肉質非常嫩滑。而且店主取材方面亦有要求，非常捨得，靚嘅羊架有好香羊肉未，又不至於太蘇。配上薄荷啫喱嚟食，令人非常滿足。至於伴碟嘅薯蓉，佢哋都好認真製作，非常軟滑，應該係用咗唔少忌廉打出嚟架。
煙三文魚忌廉意粉
17 瀏覽
0 讚好
0 留言
煙三文魚忌廉意粉
9 瀏覽
0 讚好
0 留言
呢道菜唔算太精彩，但質素都唔低。意粉好特別地用左傳統嘅圓意粉，而唔係一般西餐廳用嘅扁意粉，但火候都控制得唔錯，不軟不硬。醬汁方面，忌廉汁夠杰，入口好creamy，配上煙三文魚，口感都幾豐富。好欣賞店主絕對唔吝嗇食材，三文魚鋪滿意粉表面，睇見都開心呀。
藍莓芝士蛋糕
12 瀏覽
0 讚好
0 留言
呢間開喺旺角市中心嘅西餐店，裝修格調同服務都唔簡單，但價錢竟然非常親民，豐富嘅二人餐都係三百幾蚊， 好化算！雖然有部份菜式比唔想高級西餐廳，但店主選料闊綽，製作認真，大廚亦有一定功架，值得一讚！
張貼
