順壽司日本料理 (已搬遷) 新店位置

認唔住要寫食評！平時我都係只睇唔寫，但食完呢個有D 嬲，決定寫出黎同朋友去天后食飯，見到呢間咁多人讚，就諗住試下，食完有D 被騙的感覺叫左四樣野。。。牛油炒野菌 ﹣ 唔知點解，就係無牛油香味，好普通，同一間普通既日本餐廳無分別壽司﹣叫了兩件三文魚，兩件油甘魚， Order 果陣，佢同我講個價錢係一件計，心諗，都有少少貴喎，不過唔緊要啦，諗住好食，貴少少都好啦。好期待會有幾件好新鮮，大大件的壽司。點知四件野黎到，個 size 同板長一樣咁細，幾件魚鬼咁薄，味道好普通，好彩的話，去板長都好食過佢！燒銀雪魚 ﹣ 呢個令我最嬲！我好鍾意食銀雪魚的。其實銀雪魚本身好滑，好難整得好難食。但呢個真係畏用難食黎形容！點解銀雪魚會“鞋”架！？仲要無咩味！！有無攪錯！！！！！！牛肉稻庭烏冬﹣呢個最正常，肥牛＋糼烏冬。烏冬都叫滑既～肥牛就同打邊爐食D 肥牛咁囉。可能本來都好食既，但佢係個銀雪魚之後黎到，嬲到食龍肉都無味。埋單四百零幾，真係好唔抵食。除了服務， 無野可取。