影片
更多
2020-07-01
2551 瀏覽
因為疫情嘅關係，相信大家都少咗同朋友或者屋企人聚會，亦都少咗出去食野，相信其中一樣大家最掛住嘅野食一定係自助餐啦！為咗防疫，市面上唔少自助餐都轉咗放題嘅形式，減少人與人之間嘅接觸，不過位於尖沙咀嘅Three On Canton 因為食物種類多同限量（例如係生蠔同鵝肝多士），所以仍然係以自助餐形式呈現。但佢就提供咗75折優惠吸引大家去食，所以今次我就去開箱！首次公開大家最重視嘅一定係衛生問題，入座前要量體溫係基本措施，出去攞野食嘅時候餐廳規定一定要戴口罩，最最最好嘅係餐廳有專門嘅消毒專員定時清潔枱面，確保衛生情況，等大家食都食得開心啲。先睇下門口，餐廳係酒店3樓，門口有2個，近酒店雨梯呢邊嘅門口比較窄，但唔使擔心，入面用餐環境好闊落架！每枱之間都有一定嘅空間。餐廳隔離就係Bar，可以一邊睇住bartender 調酒一邊食野🤣🤣跟住就睇下攞野食嘅位置，定時會有人refill 野食，而且食物種類繁多，由日式刺身到馬拉喇沙再到鵝肝多士同日本A5 和牛，絕對可以滿足你嘅食欲。日式刺身嘅種類唔算多，但全部都好新鮮，不過環注意佢唔會幫你整走鮮蝦嘅籽，所以食個時要自己搞口，有少少麻辣。而生蠔就係昕開，
首次公開大家最重視嘅一定係衛生問題，入座前要量體溫係基本措施，出去攞野食嘅時候餐廳規定一定要戴口罩，最最最好嘅係餐廳有專門嘅消毒專員定時清潔枱面，確保衛生情況，等大家食都食得開心啲。
先睇下門口，餐廳係酒店3樓，門口有2個，近酒店雨梯呢邊嘅門口比較窄，但唔使擔心，入面用餐環境好闊落架！每枱之間都有一定嘅空間。
餐廳隔離就係Bar，可以一邊睇住bartender 調酒一邊食野🤣🤣
跟住就睇下攞野食嘅位置，定時會有人refill 野食，而且食物種類繁多，由日式刺身到馬拉喇沙再到鵝肝多士同日本A5 和牛，絕對可以滿足你嘅食欲。
日式刺身嘅種類唔算多，但全部都好新鮮，不過環注意佢唔會幫你整走鮮蝦嘅籽，所以食個時要自己搞口，有少少麻辣。而生蠔就係昕開，每人限取2隻，再自己加sauce 同檸檬汁，生蠔同樣新鮮但就偏細隻，不過食自助餐細份嘅野只要排隊食多幾份就得啦🤣🤣
除咗冷盤之外，Three on Canton 同時提供多元化嘅熱食，其中一樣最吸引嘅一定係即燒A5和牛，熱辣辣咁食肉質嫩滑嘅和牛簡直係冇得彈！另外仲有成隻龍蝦，超多肉！！不過係凍食嘅～如果佢可以出焗芝士龍蝦就仲好啦🥰另外仲有即煎鵝肝多士，不過鵝肝都係比其他自助餐細隻，但就肉質鮮美💕
最後就講埋甜品～餐廳提供中西式甜點，中式有豆腐花涼粉，西式就有各種蛋糕，Häagen-Dazs 雪條同雪糕。強烈推薦大家食佢嘅窩夫！！佢一路熱住，上面加球雪糕就可以體驗冰火兩重天！超正！最後試埋佢嘅招牌心太軟，一切落中間朱古力就傾盤而出，味道亦好濃，好滿意！❤️
總括而言，Three On Canton 嘅野食好多樣化，而且又高質，衛生意識都好～有75折咁食就仲抵！職員態度都好好🥰大家掛住自助餐嘅話都可以黎食！
張貼
