天祥飯店

營業中

休息中

跟老友記好耐冇去過大牌檔擦餐勁嘅。耀東街一帶已食過好多次，亦去過小菜王及增輝，但就未幫襯過呢度，決定驅車前往..一去到，燈火通明，枱櫈擺到一街都係，各食客盡情舉杯宣飲，大口大口餸吞落肚，真不枉被稱為平民夜總會...精神為之一振，即刻揀過近師傅埋爐嘅位坐低。好多人唔鐘意呢度(因為太熱)，但我就最鐘意，睇D師傅以九秒八嘅速度完成一碟菜，實在係賞心樂事...食慾亦為之一振，馬上整個椒鹽鮮魷、蝦醬通菜牛肉及豬潤啫啫雞煲。睇見D炒飯幾靚，於是再追加個鹹魚雞粒炒飯，嘩，你話點食得晒...好耐冇食過出色嘅椒鹽鮮魷，竟然係呢度俾我遇到--- 炸粉夠薄，完全食到魷魚鮮味，味並不死鹹，絕唔好似其他鋪頭嗰D出品，食完要猛咁灌水...通菜大大碟，好新鮮，牛肉有少少用鬆肉粉醃過，味道梗差D la，蝦醬味不夠濃，總體水準稍差，不過炒得夠晒鑊氣，又夠大碟，加番分...啫啫雞熱騰騰，睇見都吞晒口水。咬一口雞，雖然係冰鮮貨，但頗滑，用嚟送飯確係一流；豬潤大大片，係新鮮貨，可惜煮得過老，有少少苦，浪費咗D靚豬潤...炒飯又係夠晒大件頭。鹹魚用梅(絕不可用呢個"酶"字)香，真係又梅又香，雞粒並唔可以稱之為粒，應該叫雞柳或雞