影片
更多
2022-02-13
31 瀏覽
咁有特色又打卡-able嘅糖水甜品舖，真係唔介紹都唔得啊！最近喺旺角兆萬中心對面街開咗間紫白色主題嘅糖水甜品舖，主打係芋圓💜🤍雖講到明有糖水同甜品，其實仲有輕食同飲品！聽到都覺得間舖好有心，至少唔係做死一類先 👍坐底一睇餐牌都睇到嘩嘩聲，因為實在好多選擇，最開心係有d糖水款式係可以任你自由配搭😍 呢個加分⭐仲要樣樣d擺盤都好靚，同埋色彩超繽紛！齋睇餐牌都已經好開心🌈😄在場見到d人多數叫芋圓火鍋同綿綿星球 (即綿綿刨冰)，不過怕食咗火鍋就食唔到其他嘢，所以留返下次啦。叫咗：💟 初芋特色芋圓 X 港式糖水ABC呢個係自選crossover港式糖水嚟，可以揀三色經典芋圓或六色鮮果甜心芋圓 ❤️🧡💛💚💙💜我揀咗六色鮮果味😆＋楊枝甘露糖水底配料就揀：檸檬茶凍＋荔枝＋椰果＋仙草感覺似"盆菜版" 嘅糖水😂因為平時糖水舖，一係set 好哂配搭，一係就一份頂多2至3款配料，但First Taro 呢度俾你配搭咁多嘢，我仔揀料揀到開心到笑啊 😄🥰超豐富囉！芋圓質感都可以~我諗下次食都係揀椰皇鮮奶露底會配d 😝💟 黑勇者三文治🌚🗡️🤺呢個係人氣之選！見檯檯都叫一份架喎 😃➡️即係 竹炭麵包＋紫薯蓉＋忌廉芝士聽落個
最近喺旺角兆萬中心對面街開咗間紫白色主題嘅糖水甜品舖，主打係芋圓💜🤍
雖講到明有糖水同甜品，其實仲有輕食同飲品！
聽到都覺得間舖好有心，至少唔係做死一類先 👍
坐底一睇餐牌都睇到嘩嘩聲，因為實在好多選擇，最開心係有d糖水款式係可以任你自由配搭😍 呢個加分⭐
仲要樣樣d擺盤都好靚，同埋色彩超繽紛！
齋睇餐牌都已經好開心🌈😄
在場見到d人多數叫芋圓火鍋同綿綿星球 (即綿綿刨冰)，不過怕食咗火鍋就食唔到其他嘢，所以留返下次啦。
叫咗：
💟 初芋特色芋圓 X 港式糖水ABC
呢個係自選crossover港式糖水嚟，
可以揀三色經典芋圓或六色鮮果甜心芋圓 ❤️🧡💛💚💙💜
我揀咗六色鮮果味😆
＋楊枝甘露糖水底
配料就揀：檸檬茶凍＋荔枝＋椰果＋仙草
感覺似"盆菜版" 嘅糖水😂
因為平時糖水舖，一係set 好哂配搭，一係就一份頂多2至3款配料，但First Taro 呢度俾你配搭咁多嘢，我仔揀料揀到開心到笑啊 😄🥰
超豐富囉！芋圓質感都可以~我諗下次食都係揀椰皇鮮奶露底會配d 😝
💟 黑勇者三文治🌚🗡️🤺
呢個係人氣之選！
見檯檯都叫一份架喎 😃
➡️即係 竹炭麵包＋紫薯蓉＋忌廉芝士
聽落個配搭都覺得好滿足😋💜
麵包烘過比較鬆化，咬落去食到甜甜嘅紫薯蓉，再食到少少鹹又creamy嘅忌廉芝士，一定會好快清哂呢碟嘢😂
💟 夏之神話🌞🍹
石榴芒果乳酸梳打＋椰果
有豐富果肉又俾好多椰果，酸酸甜甜，又有咬口，好開胃！😋
💟 草莓牛奶沙冰🍓🍼
呢度d嘢飲，同糖水都幾大份量架！
凍飲方面都係用高身杯！
個人覺得一個人都未必飲得哂一杯😆🙈
杯沙冰最頂有鮮忌廉topping，杯邊圍繞住有草莓醬，最底層有好多草莓肉，草莓牛奶沙冰好幼滑，夠哂濃郁♥️ 飲哂好飽肚架😂😂
💟 青山抹茶 ⛰️🍵
呢個係綿綿星球系列 🪐
本身係想叫可可火山 (即朱古力味) ，點知好快賣哂😭 (我哋都唔係好晏先去姐....😢)
呢個系列又係勁多人叫！
因為賣相吸引，甜品個底盤放咗d乾冰，所以一送嚟檯果陣，盤綿綿冰會冒煙，感覺有氣勢😂 好趁住果分零鐘打咗卡先呀 😆 我就係太慢影唔切.... 😅😝🙈
最頂果舊係自家手工製現炙蛋白，牛奶綿冰係採用日本北海道3.6牛乳，所以夠甜又濃滑 😋
仲配搭咗紅豆＋Mochi 豐富咗口感😚
原來食到最底果度會有抹茶雪糕、抹茶啫喱粒粒同綠茶布丁架！一盤綿綿冰有咁多嘢配料，又俾驚喜，超值啦 😃👍
6 瀏覽
0 讚好
0 留言
張貼
