意粉狂熱 (皇室堡) (已結業)

今晚放工陪同事往銅鑼灣崇光買禮物，買完係時候食晚餐，同事帶我去皇室堡的Pastaholic。佢話之前食過都吾錯，今晚就請我試試！餐廳地方雅潔，座位寬敞舒適。餐廳有供應飲用水。玻璃樽相當美觀，每張枱放下一枝供客人飲用。忌廉蘑菇湯：味道香滑。照燒雞蛋黃醬披薩（2人前）：餅底味道有點像印度薄餅，材料有：照燒雞肉、紫菜絲、蔥花、少許芝麻、還有蛋黃醬，十分惹味！西班牙風海鮮飯（2人前）：大蝦、青口、魷魚、蜆、西蘭花，蕃茄仔。上枱時香氣撲鼻，擺設顏色鮮艷，海鮮鮮味彈牙，飯軟硬適中，落左香料煮，味道夠香夠味。真的是色香味俱全。日本牛乳布甸：布甸牛奶味甚濃，又香又滑，加入忌廉更添口味，更滑更香甜。