八月天 (已結業)

又係工廠區食晚飯，星期五晚都唔洗好似出面咁排長龍。上到去門口好似冇餐廰名，但對個地址又岩，所以就入左去。入面裝修唔豪華，有Ｄ80年代嘉年華感覺。要特別告介打算泥食既朋友，唔趕時間先好泥，Ｄ野食上得好慢，等到我地胃酸上面。比負評唔係話佢難食，只係等到花兒也謝了～先泥既係自家浸蕃茄，配上醬汁，淡淡地感覺清新。再泥係蕃茄蓉湯，口感不算太幼滑亦不太粗糙，酸酸地同平時出面飲的不同。蒜蓉包好鬆脆 食完前菜，等左一粒鐘，主食終於上枱，「雞肉煙肉長通粉」個碟好大，但中間裝送位好細，餓到極點既外星人真係超担心唔夠食。唔知係咪太肚餓，覺得好好味，醬汁調配同煙肉雞肉好夾，用料唔馬老虎，亦唔會好漏。再泥係「黑松露野菌意大利飯」，個飯濕左Ｄ，但好有黑松露味，Ｄ野菌款款都唔同味，幾得意。餐飲選左西洋菜蜜甜品係奶凍，好有奶味，不太甜飯後總結，雖然份量睇落好少，但外星人都可以食飽飽離開。但９點離開，落到大堂竟然鎖左閘，仲要冇管理員，揾左好耐先知要坐ＬＩＦＴ落停車場走，真係嚇親。不過八月天應該係家庭式經營，用料唔錯，只係太多人時未必應付到。