萬丸燒肉 (已結業)

今日係銅鑼灣行街，接到張傳單介紹食燒肉，$348（1-4）任飲任食，有安格斯牛，同多款日本雞豬。拎左張傳單上到黎又真係幾唔錯，最緊要黎到唔會太大陣味，抽煙系統做得幾好。。我地擇左個$348餐，全部野食QRcode落單，野飲出去自己拎。野食有：安格斯封門柳、肩胛脊肉、香蔥薄牛舌、日本豚五花肉、日本千歲豚肩肉、日本豚肉眼、日本錦爽雞腿肉、多春魚、串燒、青口、蔬菜…多不勝數。。野食種類繁多，質素都幾唔錯，尤其欣賞佢啲肉整得好有日式style ，去日本食燒肉都係呢個調味，而牛方面，最鍾意就係香蔥薄牛舌！同埋安格斯肩胛脊肉，薄得黎好重牛味，爽爽地咁。另外豬都不可忽視，因為係日本豬，所以全部都好滑身唔鞋口，日本豚五花真係好正，encore左好多碟，油脂滴晒落去，燒到脆卜卜咁。。另外比較得意既就有串燒，好似雞皮雞腎咁，炸物沙律小食都有10幾款，紫菜飯又有，講得出既基本上都有齊，食120分鐘岩岩好又唔會太趕咁。