Crumbs (已結業)

做完facial決定去探下舊同事，喺我又氹又死纏爛打之下，舊同事K終於屈服肯同我食乳酪雪糕XD 之前我喺銅鑼灣返工，Crumbs仲係樓上鋪，我經常都會蛇王上去坐低食杯乳酪雪糕～自從冇喺銅鑼灣返工就好少機會食到佢，所以一有機會去銅鑼灣我都會整返杯嘆下！K叫左原味乳酪雪糕配抹茶糯米糍、藍莓（$38）我就叫左原味乳酪雪糕配抹茶糯米糍、芒果、桃（$45）今日仲有得送free house crumbs係肉桂粉！糯米糍係佢地嘅皇牌crumbs，煙煙韌韌得黎又唔黏牙，極度推薦！乳酪雪糕夠濃味加埋鮮果，好fresh！依家佢除左乳酪雪糕，仲有漢堡、all day breakfast，下次有機會試下先～