周師傅點心 (已結業)

今日同男朋友去左深水埗睇電腦，睇完就喺附近搵野食。突然想食點心，所以就去左周師傅點心食晚餐。我地叫左9個點心。當中嘅蝦餃（$16）、燒賣（$16）同埋籠仔開邊蝦飯（$35）都係男朋友要求叫既，因為有蝦我唔食得。但男朋友話味道幾好，特別係個飯，好有蝦嘅鮮味！其他點心我地就叫左:小籠包（$24）、Hea包（$22）、鮮竹卷（$20）、韓式辣醬炒腸粉（$33）、XO醬蘿蔔糕（$33）同咖啡糕（$15）我最鐘意嘅係Hea包同埋XO蘿蔔糕。前者其實係流心奶皇包，味道香濃！後者XO醬配上煮得外脆內軟嘅蘿蔔糕，令人食唔停口！飲品我地就叫左可樂（$10@1）有時食下點心做晚餐都唔錯，下次再黎過先XD