大吉居酒屋 (已結業)

今日同男朋友黎左中環探朋友，之後見時間都唔早，係時候食晚飯。男朋友又話我地好耐冇食日本野，所以今日就食大吉居酒屋。去到先知原來呢到裝修過，仲由放題轉做居酒屋。我地叫左油甘魚和風沙律（$108）油甘魚好鮮甜，沙律汁酸酸甜甜好開胃。赤貝+秋刀魚刺身（$58;$78）兩者都好新鮮。未食之前男朋友都憂心過秋刀魚會好腥，但食落又唔覺腥味！汁燒牛舌（$108）厚切嘅牛舌咬落比較有口感，加上醬汁調味，唔錯雜錦天婦羅（$168）係新鮮即叫即炸，而且天婦羅表面乾身唔會好油，但入面仲好juicy。鰻魚忌廉芝士卷物（$138）呢個真係好驚喜，入面半融嘅忌廉芝士好creamy，配埋鰻魚口感一流！呢到裝修完之後坐得舒服左，食物質素都唔錯，黎開中環可以食佢！