露面手工拌麵料理

今日上左半日堂，體力上同精神上都好攰，所以決定好好食一餐當鼓勵一下自己！上Openrice見到呢間露面手工拌麵抖理個闊麵好似好正，於是決定今晚食佢～我叫左野生松茸鮮雞湯（$38）最近返新工加上要上RYT200堂，個人好操勞好攰，呢個原盅雞夠曬滋補，而且唔覺有味精，鮮味十足！椒香麻辣湯小雲吞10粒（$42）唔太辣，怕辣人士可以放膽食！麻辣雲耳（$28）呢個比小雲吞辣d，食落爽口過癮～嫩雞白布湯闊麵另加老壇酸菜（$73）呢個湯底好濃郁，d雞好嫩唔鞋口，麵身夠煙韌，難怪咁多人推介，絕對值得一試！個老壇酸菜加埋落去個麵食，個味道又再昇華～飲品我叫左凍極品陳年龍鳳檸蜜（$32）同平時嘅好唔同，呢個隻味香濃好多！今日呢餐雖然食得好豐富、好飽足，但埋單都係二百幾，其實都幾抵！