私家廚房 (已結業)

今日約左舊同事I去旺角行街，同佢好耐冇見，一見就雞啄唔斷XD行下傾下，眨下眼就已經係晚飯時間。I話平時我地見面唔係食西餐就係食米線，今日不如食小炒嗰類中菜丫，於是乎我地上openrice睇餐廳啦，見到私家廚房貌似唔錯，就決定食佢。Staff都好好，主動推介佢地有咩招牌菜，環境都幾舒服，唔會好逼好焗促。我地叫左海葡萄日式麻醬冷豆腐（$78）濃郁嘅麻醬配上清涼軟綿嘅豆腐，係一道夠曬透心涼又開胃嘅前菜！鄉下佬炒雜菜（$118）同椒絲腐乳通菜（$88）我鐘意前者個汁多d，好惹味！但兩者都係菜夠新鮮、鑊氣十足，叫兩碟菜係因為我地有感身為都市人，平時食得太少菜喇XD薑蔥大連鮑魚雞煲（$198）鮑魚煮得夠腍夠入味，雞肉鮮嫩柔滑，正呀！飲品我地揀左自家清熱飲品（$68）是日飲品係薏米水，啱曬我地可以去水腫XD估唔到旺角商業大廈都會有呢種咁好食嘅小炒中菜，下次可以同男朋友一齊食！