NeNe Chicken (大埔超級城) (已結業)

家姐話佢同事推介佢食一間炸雞，見今日收工冇野做，就陪佢去NeNe Chicken食雞，順便食完行下街~我地叫左秘風糖炸雞（無骨$178）呢個就係我家姐一心想食嘅炸雞，我地樹懶咁懶就當然叫無骨炸雞啦XD初初家姐怕會好辣，但原來係甜甜地！份量都幾多，有成十零舊！芝士吞拿魚卷拌炒粉絲（$68）本身怕唔夠飽而叫，芝士吞拿魚卷好creamy，炒粉絲炒得夠乾身。家姐飲嘅係BLUE LEMON ADE（$38）而我就飲Iced Nene Fruit Tea（$48）呢到上菜都幾快，唔會等好耐，下次再黎食炸雞先！