影片
更多
2016-10-20
586 瀏覽
因一句唔想再係街邊打冷,朋友們就上網搵下邊度有舒服D既地方食潮州菜,最後搵到新世紀廣場有間快有50年歷史既潮州酒樓,雖然價錢比較貴,但唔洗風吹雨打下食餐潮菜,都值得既...皮蛋酸薑 ($68):皮蛋蛋白彈牙,蛋黃香味十足,配埋酸薑一齊食,酸薑既酸度唔算太濃,唔會蓋過薑味,而且仲可以將皮蛋既獨有香味誘發出來.雞絲水晶粉皮 ( $98):青瓜絲, 雞絲, 粉皮跟麻醬混合後, 因為醬汁較多既關係,令到每樣食材都平均沾上,味道非常濃香,又帶點青瓜既清新口味,唔錯既一道小食.浄滷水鵝片 ($198):鵝片滷得嫩滑入味,切得厚薄適中,皮下脂肪少,鵝味香濃,滷水汁味道鹹甜適中醇厚,而下層既豆腐因沾上滷汁同樣非常入味,轉眼間就俾我地清晒.杏汁白肺湯 ($168/例):豬肺湯呈奶白色,材料份量十足,入口順滑清甜,帶香濃杏汁味,豬肺煲到軟稔而帶嚼勁,滋潤效果極佳,真係好味又有益.潮陽炸雙棗 ($120):圓型係蝦棗, 長型係蟹棗,個人比較鐘意蝦棗,因為較為結實彈牙,而且有鮮蝦味, 再點上醬汁, 更加香口美味. 蟹棗肉質比較稔身,較為遜色.寸金紹菜包 ( $240):賣相精緻,由紹菜包住蝦肉等既材料,紹菜味
皮蛋酸薑 ($68):皮蛋蛋白彈牙,蛋黃香味十足,配埋酸薑一齊食,酸薑既酸度唔算太濃,唔會蓋過薑味,而且仲可以將皮蛋既獨有香味誘發出來.
雞絲水晶粉皮 ( $98):青瓜絲, 雞絲, 粉皮跟麻醬混合後, 因為醬汁較多既關係,令到每樣食材都平均沾上,味道非常濃香,又帶點青瓜既清新口味,唔錯既一道小食.
浄滷水鵝片 ($198):鵝片滷得嫩滑入味,切得厚薄適中,皮下脂肪少,鵝味香濃,滷水汁味道鹹甜適中醇厚,而下層既豆腐因沾上滷汁同樣非常入味,轉眼間就俾我地清晒.
杏汁白肺湯 ($168/例):豬肺湯呈奶白色,材料份量十足,入口順滑清甜,帶香濃杏汁味,豬肺煲到軟稔而帶嚼勁,滋潤效果極佳,真係好味又有益.
潮陽炸雙棗 ($120):圓型係蝦棗, 長型係蟹棗,個人比較鐘意蝦棗,因為較為結實彈牙,而且有鮮蝦味, 再點上醬汁, 更加香口美味. 蟹棗肉質比較稔身,較為遜色.
寸金紹菜包 ( $240):賣相精緻,由紹菜包住蝦肉等既材料,紹菜味道清甜,配埋上湯和內餡既鮮味,係一款做得出色既手工菜...
潮州蠔仔肉碎粥 ($148):點會少得每次必點既蠔仔粥,份量十足,蠔仔肥美飽滿,粥底鮮甜,加埋配料一齊食,令到成個口感層次更為豐富.
反沙芋 ( $108):食潮菜必點既飯後甜品,外層 沾上糖粉,酥脆既皮包住軟熟起粉又有芋頭味既香芋,真係無得彈...
張貼
