Seoulmate Cafe (已搬遷) 新店位置

終於約到幾個超難約既朋友，當然要搵間好食既聚一聚。作為甜品控既我地，來這裡就係一個幾唔錯既選擇。我地分別點左啲自己鍾意食既野。我就揀左香橙法式燉蛋，佢地兩個就揀左紫薯年糕多士+抹茶雪糕。仲有揀左個芒果柚子韓冰雪。 好好彩，我既法式燉蛋先到。表面既焦糖薄薄的香脆，輕輕敲碎而舀一口來吃，甜度恰好，燉蛋都幾嫩，有清新自然的橙香氣，不會太過火。朋友點既芒果柚子韓冰雪除左芒果同刨冰之外，仲有蘆薈，蜜糖，椰果等等，口感應該幾豐富。我食左啖，芒果好甜，同刨冰混合口感軟中帶點冰涼，幾消暑。我幾欣賞佢將芒果分做幾層，甘就唔擔心食到下面既刨冰時冇芒果食了。還有個紫薯年糕多士，條友點左又話好大份未必食得哂，嘿嘿，甘我當然見義勇為幫佢食啲啦。多士幾脆，得意位係入面年糕，煙煙韌韌，口感幾特別。紫薯味都好濃。抹茶雪糕就相對冇甘出眾啦。