牛知己 (已結業)

日式火鍋開到城行城市，一定唔會陌生。但係韓式火鍋真係無乜聽過，之前有同事曾提過依間韓式火鍋係幾特別，今日去開元朗就體驗下。朗屏站E出口行一陣就到，係世宙樓下，相當易搵。晩市放題90分鐘，有幾個價錢既選擇，我地就叫左188果個，有肉又有海鮮食。想要鴛鴦湯底就要另外加錢，而且佢d韓式湯底充滿特色，泡菜湯底、辛辣湯底、海帶湯底。。。由於唔食得辣，都係要返最元始既牛骨雪濃湯！落好單揀好湯底，已經有三碟牛運到過黎。效率認真高，基本上所有落單野食上菜速度都好快，仲好特別地係用路軌咁運過黎，一碟又一碟既牛係路軌送上，好得意。肉都有好幾種，美國極選牛就最推介。新鮮，薄切，肥瘦又岩岩好，淥一淥食得，夠淋好好食，而且一碟既份量都幾多。仲有海鮮，蝴蝶蝦，青口，帆立貝同原隻白尤魚。仼叫又真係幾爽，唔洗就住就住咁食，好少海鮮有得仼食唔嬲。出面仲有好多前菜同炸物。泡菜真係唔錯！麥樂雞又新鮮炸好，熱辣辣無得輸丸，菜，菇類既選擇都好多，而且夠新鮮飲品選擇都唔少，而且係大路既選擇。最後仲有甜品，乳酪同雪糕為依個晚餐畫上完美既句號。閒日都滿座，係有原因既！