影片
更多
2016-12-22
511 瀏覽
正所謂，生死之膠當天不知罕有，到你變老了至覺未夠，所以今天相約一群老朋友舊同事一同前往表叔海鮮火鍋作為聚舊之地。地點可算方便就腳，在旺角地鐵站近朗豪坊Ｈ＆Ｍ出口，前往豪華戲院方向，再順住油站橫過馬路然後向右前方斜行就到。功夫，二隻，一橫一直。邊爐，都二隻字，一面一底。一面當然係指環境要乾淨食材要新鮮，另一底自然係湯底要夠惹味。通常聚舊聚餐都係邊爐為副，吹水為主。本想隨隨便便叫個湯底，再叫少少打邊爐既咸酸菜，肥牛呀，響鈴呀，四寶丸就算。但好快就出現選擇困難症，想不到除了皮蛋鹽茜同沙嗲等基本湯底之外有不少高價特色湯底。今次因為天氣有點凍以及避免中伏，就叫了一個胡椒豬肚雞湯（一隻雞）。湯底一到，我們不約而同被香氣吸引。本以為湯底都只會係淡而無味，有啲豬肚，有啲湯既咸咸味精底。但當眾人嚐了一口湯，有點令人喜出望外，今次終於不用May姐有請，雞汁都省了，真係胡椒豬肚湯有胡椒豬肚味，不過略嫌胡椒味有點不足，湯底味道整體還算不錯，而且湯料份量正常，有蜜棗、有豬肚有蘿蔔。順帶一題，全隻雞件是另上的，而不是在湯底裏，因此不會鮮雞件變老雞件。隨著湯底到場，可能當天不是全院滿座，只有七成左右的客人，所以很快
正所謂，生死之膠當天不知罕有，到你變老了至覺未夠，所以今天相約一群老朋友舊同事一同前往表叔海鮮火鍋作為聚舊之地。地點可算方便就腳，在旺角地鐵站近朗豪坊Ｈ＆Ｍ出口，前往豪華戲院方向，再順住油站橫過馬路然後向右前方斜行就到。功夫，二隻，一橫一直。邊爐，都二隻字，一面一底。一面當然係指環境要乾淨食材要新鮮，另一底自然係湯底要夠惹味。通常聚舊聚餐都係邊爐為副，吹水為主。
本想隨隨便便叫個湯底，再叫少少打邊爐既咸酸菜，肥牛呀，響鈴呀，四寶丸就算。但好快就出現選擇困難症，想不到除了皮蛋鹽茜同沙嗲等基本湯底之外有不少高價特色湯底。今次因為天氣有點凍以及避免中伏，就叫了一個胡椒豬肚雞湯（一隻雞）。
湯底一到，我們不約而同被香氣吸引。本以為湯底都只會係淡而無味，有啲豬肚，有啲湯既咸咸味精底。但當眾人嚐了一口湯，有點令人喜出望外，今次終於不用May姐有請，雞汁都省了，真係胡椒豬肚湯有胡椒豬肚味，不過略嫌胡椒味有點不足，湯底味道整體還算不錯，而且湯料份量正常，有蜜棗、有豬肚有蘿蔔。
順帶一題，全隻雞件是另上的，而不是在湯底裏，因此不會鮮雞件變老雞件。
隨著湯底到場，可能當天不是全院滿座，只有七成左右的客人，所以很快進入上菜的閱兵儀式，十多碟的火鍋配料恰如六合彩由下至上，左至右咁放好，快到IP都Check唔切，所有配料已經接近上齊。可以開始呢場飢餓遊戲。
當中首推手切頂級牛頸脊（小）！！本身因為碟手切新鮮肥牛（大），一來滿足不了一眾牛魔王既需求，二來肥牛的肉質厚實牛味濃郁確具有N-call價值。接著加單的時候，店員親切地介紹了牛頸脊，最後決定一試。果然一試愛上，牛頸脊雪花分佈更平均，入口更嫩滑，不消一會已經只剩下空碟。有人話火腩飯有豆腐、支竹等各有特色的伴侶；
而打邊爐永遠有肥牛同牛頸脊跟隨，也算是一種小確幸。至於其他配菜，即炸魚皮同響鈴都可以一戰。
魚皮更加可以美極唔用直接食用，香脆鬆軟、魚味十足。不過食都要趁早，因為凍了的魚皮會變得相對硬身，影響口感。
不過，響鈴就不建議直接食用，口感雖如威化般乾脆，但油味比較重，所以響鈴真係要滾一滾，給它少少經練，先可以成為火鍋之霸。張貼
