潮興海鮮酒家

營業中

休息中

好耐無打冷了，今日三五知己食飯飲啤酒吹水，人生一大樂事。7點鐘去到，已經坐咗9成半，好誇張，連住三至四間舖，我諗超過100張枱。價錢都唔算係平，我哋叫在咗5個餸。辣酒煮花螺，但落單落咗清蒸花螺$158，呢個鮮甜好食。炸大腸$98，炸得乾身無脂肪，好食👍豆豉鯪魚油麥菜$78，好辛苦先揾到一兩舊好細的豆豉鯪魚，味道正常。鵝片$128，味道可以，但得幾塊，下面墊晒豆腐。咕嚕蝦球$98-蝦肉大舊，有啲彈牙，好食。總結：仲有叫咗4支啤酒，4個人叫5個餸，埋單$700，小炒來講唔算平，但整體都是好味的。