影片
更多
2015-05-15
1046 瀏覽
上個禮拜約咗幾個朋友食飯，成日唔係日本菜就打邊爐，有啲厭，上openrice 咁啱比我搵到呢間法式私房菜，抱着一試嘅心態打電話去早上打去訂位，點知又訂到喎，訂咗七點半，係尖沙咀返工嘅我，6點45分就到左，見自己早到又肚餓，叫咗一個吞拿魚他他同一杯生啤食住等⋯個吞拿魚汁酸酸辣辣好惹味又食到吞拿魚嘅鲜味，配埋杯生啤，正！之後有兩個朋友都早度，佢哋都唔執輸叫咗個西班牙風乾火腿拚盤，個火腿拼盤都幾大碟，有三種唔同嘅火腿，鹹香比Parma ham 輕小小但較鬆化配埋蜜瓜好好食，另外有兩隻cold cut meat 都好香肉味，頭本揀咗珍寶帶子同鴨肝,帶子外熟內生一點都唔鞋口，勁！鴨肝煎到金黃色微微焦外脆內滑又夠濃郁配埋個雜苺汁，絕對係一流，唔同平時食開嗰啲，我好好奇問個侍應其實有咩分別？個侍應話：外邊好多餐廳都係用匈牙利鴨肝，所以要沾粉煎如果唔係會唔脆同散開，我哋用嘅係正宗法國貨 所以會好D⋯，湯要左個法式龍蝦湯，味道一定好過太平館，但唔係我試過最好嘅，不過龍蝦味都好出只係啲龍蝦肉太少，中上啦⋯主菜要咗法國油鴨比，日本水飼豬架同prime rib eye , 油鴨比肉質夠嫩滑皮小小脆，好食，豬架
上個禮拜約咗幾個朋友食飯，成日唔係日本菜就打邊爐，有啲厭，上openrice 咁啱比我搵到呢間法式私房菜，抱着一試嘅心態打電話去早上打去訂位，點知又訂到喎，訂咗七點半，係尖沙咀返工嘅我，6點45分就到左，見自己早到又肚餓，叫咗一個吞拿魚他他同一杯生啤食住等⋯個吞拿魚汁酸酸辣辣好惹味又食到吞拿魚嘅鲜味，配埋杯生啤，正！之後有兩個朋友都早度，佢哋都唔執輸叫咗個西班牙風乾火腿拚盤，個火腿拼盤都幾大碟，有三種唔同嘅火腿，鹹香比Parma ham 輕小小但較鬆化配埋蜜瓜好好食，另外有兩隻cold cut meat 都好香肉味，頭本揀咗珍寶帶子同鴨肝,帶子外熟內生一點都唔鞋口，勁！鴨肝煎到金黃色微微焦外脆內滑又夠濃郁配埋個雜苺汁，絕對係一流，唔同平時食開嗰啲，我好好奇問個侍應其實有咩分別？個侍應話：外邊好多餐廳都係用匈牙利鴨肝，所以要沾粉煎如果唔係會唔脆同散開，我哋用嘅係正宗法國貨 所以會好D⋯，湯要左個法式龍蝦湯，味道一定好過太平館，但唔係我試過最好嘅，不過龍蝦味都好出只係啲龍蝦肉太少，中上啦⋯主菜要咗法國油鴨比，日本水飼豬架同prime rib eye , 油鴨比肉質夠嫩滑皮小小脆，好食，豬架好juicy，連埋條肥位食真係可以做到入口即溶，不嬲都以為和牛先可以，原來和豬都得.... 配埋個蜜糖芥辣汁好食到全部人都食曬呢碟先⋯rib eye 分量夠大叫5成熟做到5成熟，件扒暖暖地唔熱一定有做個resting , 最憎D怕熱辣辣去大家樂食鐵板餐咩？？一切開D肉汁好多，牛味都夠唯一美中不足，就係佢唔係炭燒食唔到陣炭香味，90 分啦，甜品最後叫咗個北海道三點五牛奶布甸同朱古力心太軟⋯我唔識甜品我唔知，但啲朋友話牛奶布甸夠滑唔係太甜OK，但心太軟太漏⋯ D staff 都幾nice 態度幾好⋯下次會有機會會再去！
張貼
