Mo Mo Kushiage (已結業)

搵到一個地方同自己兄弟食一餐飯，最好不過！朋友介紹，知道食物同酒水都唔錯，一於同朋友黎呢度聚會。餐牌都有好多唔同嘅嘢食，例如壽司飯，刺身，串燒，熟食，炸物，甜品。當然唔少得，就係有不同種類嘅燒酒同sake. 介紹一下食物先，自己最鍾意就係蟹膏配多士，蟹膏啲味好濃，配多士一流！仲有其他例如燒雞翼，燒雞肉串，天婦羅蝦，冷烏冬，都好好食！我要強烈推介，就係燒黃牛，一擺入口就溶化，然後再飲sake! 我哋開心時段，仲有買一送一添！如果食炸物，就一定要點佢哋自己整嘅紅酒汁，下次會試埋其他，例如炸牛，炸鵪鶉蛋等等。種類都有好多，同出邊嗰啲日本餐廳唔同！下次有佬聚，一定會再嚟試其他！