2022-10-11
15 瀏覽
男朋友經常都會要我諗下夜晚個餐食咩好,今次加埋佢同事黎就唔洗我諗🤭由佢同事揸主意,預先提我地喺九龍灣地鐵站等,然後一齊過去,佢同事提及大部份海鮮都要電話預定左先至有,我話咩餐廳咁特別,原來係叫四喜冰室🤔我男朋友話難得一齊食雞煲就食好少少🤭一去到就已經好快可以入座,原先book枱時已叫咗預訂一份麻辣雞煲全份,海鮮類原來喺Menu上面係冇,叫咗蟶子皇、鮑魚、花雕梭子蟹,原來呢啲都係時價價錢🤔蟶子王仲會幫你開咗一半,鮑魚會幫你解開變位,但仲係好新鮮,花雕梭子蟹佢嘅花雕浸入蟹身入邊,酒香好濃郁🤤然後我哋額外叫魚片頭,響鈴卷,四喜極品牛,食完雞煲當然要叫牛肉片當打邊爐咁食啦,響鈴卷同魚片頭呢兩樣佢哋都係即叫即整,而牛肉片佢哋會切得有返咁上下厚度👍🏻👍🏻三個人既份量已經好足夠,好飽了
查看之前的留言 ()
張貼