影片
更多
2014-07-23
2711 瀏覽
素聞呢間高貴cafe經常排長龍，但可能是平日的關係吧，我們只是預早於下午茶時段開始前到達，等了15分鐘左右就可安排入座，而且是自成一角的梳化位，十分舒適！Tea set每位$268，我哋呢D慳妹決定3個人分享2人份量，再extra叫多個茶。開頭都有擔心人哋高級餐廳會唔會唔畀 ，膽粗粗問個服務員O唔OK，佢唔單只冇黑我哋面，仲好nice咁話冇問題，而且好細心咁介紹返個tea set上的甜點咸點同飲品選擇，真係very good ！個tea set好靚好吸引呀！服務員介紹應由底層向上食。兩款三文治都好好味，尤其是呢個整到成朵花咁靚的龍蝦三文治，好精緻！朋友不喜歡這個軟山羊芝士撻，但我自己就十分喜歡，可能我比較喜歡濃味的食物。幼滑香濃的芝士配上核桃及花蜜，中和了芝士的羶味，卻帶出其香，好精妙的配搭！酥皮馬鈴薯就大家都好鍾意，暖暖的酥皮薯仔配以檸檬醬，少少酸甜好味道。招牌Opera唔需要多講，極具層次感的精緻美食，推介！最上層的榛子味／草莓味／檸檬柚子味的甜點，個人最喜歡草莓撻，新鮮草莓同薄薄撻皮中間有層開心果醬，係呢個撻隱藏的亮點！檸檬柚子味甜點則非常醒胃，食完食scones就最啱
Tea set每位$268，我哋呢D慳妹決定3個人分享2人份量，再extra叫多個茶。開頭都有擔心人哋高級餐廳會唔會唔畀 ，膽粗粗問個服務員O唔OK，佢唔單只冇黑我哋面，仲好nice咁話冇問題，而且好細心咁介紹返個tea set上的甜點咸點同飲品選擇，真係very good ！
個tea set好靚好吸引呀！服務員介紹應由底層向上食。
兩款三文治都好好味，尤其是呢個整到成朵花咁靚的龍蝦三文治，好精緻！
朋友不喜歡這個軟山羊芝士撻，但我自己就十分喜歡，可能我比較喜歡濃味的食物。幼滑香濃的芝士配上核桃及花蜜，中和了芝士的羶味，卻帶出其香，好精妙的配搭！酥皮馬鈴薯就大家都好鍾意，暖暖的酥皮薯仔配以檸檬醬，少少酸甜好味道。
招牌Opera唔需要多講，極具層次感的精緻美食，推介！
最上層的榛子味／草莓味／檸檬柚子味的甜點，個人最喜歡草莓撻，新鮮草莓同薄薄撻皮中間有層開心果醬，係呢個撻隱藏的亮點！檸檬柚子味甜點則非常醒胃，食完食scones就最啱
cream同jam都好味，我鍾意兩款醬一齊塗上個scone到，既鮮甜又香滑。
响咁優雅的環境，用咁典雅的餐具，同朋友一齊食咁精緻美味的法式afternoon tea，一樂也！
張貼
