一品滷水專門店

營業中

休息中

前幾日係北角做完野，想搵下食野今晚加餸，見到一間滷水店有少許人龍，又到做緊全日9折優惠，決定試一試。睇番介紹原來滷水膽已經歷三代傳承，傳統既潮洲滷水。滷水鵝片份量算唔少，肥瘦比例相當唔錯，有濃郁既滷水味加上有淡淡既香料香味，唔會一味死鹹，鵝片肉質鮮嫩，老闆有再俾滷水汁自行添加，十分細心。滷水豆腐鋪滿在鵝片底下，吸收到鵝油香味，豆腐軟熟得黎有口感，認真唔錯。滷水鵝腸鵝膠處理得十分乾淨，食落特別爽口，滿滿既鵝肉脂肪香味。