影片
更多
2015-01-27
309 瀏覽
關雷曾今晚作客由傘尾以北遠征銅鑼灣！傳聞有好野食喎，出發！見今晚大代無咩食客，步入曉廚範圍就有張四人大枱等住我地坐喇，討論吓試咩先。行動開始！小炒、炒河、煲仔菜、燉湯，夠晒。原盅雪耳瘦肉燉海底椰湯，雪耳滑溜溜、海底椰爽口，依舊嘜渣都無剩呀。湯汁好潤好清甜仲膠膠地添，味道質感都一流。熱辣辣剛好燙咀最好味，飲完暖笠笠，好幸福啊！原盅淮山杞子燉螺頭雞湯，香濃至極。斤兩十足，大大盅勁抵飲，跟餐 $38 乍，平勻全條街，平靚正！雞湯香噴噴夾雜住海螺味道，先細嚐一口，甜美無窮仲有酒香味道，超讚！即刻想全部倒晒入口呀，太好味喇！大家唔好爭，比晒我飲得喇，呵呵。螺肉雞肉當然無一幸免，盡歸我口中啦，湯渣都好香甜呢。曉廚小炒皇，依味餸最能試到師傅既手藝，一食便知龍與鳳。小炒皇出場，顏色鮮豔，堆到成座山咁，好有氣勢，哈哈！鑊氣十足唔油膩，香味直攻大腦！韮菜花、蝦乾、魷魚絲、炸脆絲、腰果，配料好豐富喎。成堆撥入口試試，韮菜花爽甜多汁又無渣，蝦乾魷魚絲同樣嚥韌鮮味，脆條腰果香口卜卜脆。各種味道口感同時出現，非常有趣特別又美味！依個時候如果有支冰凍啤酒或 saka 就真係不得了喇！麵醬龍鳳煲，師傅話係剛上板既煲仔
關雷曾今晚作客由傘尾以北遠征銅鑼灣！傳聞有好野食喎，出發！
見今晚大代無咩食客，步入曉廚範圍就有張四人大枱等住我地坐喇，討論吓試咩先。行動開始！小炒、炒河、煲仔菜、燉湯，夠晒。
原盅雪耳瘦肉燉海底椰湯，雪耳滑溜溜、海底椰爽口，依舊嘜渣都無剩呀。湯汁好潤好清甜仲膠膠地添，味道質感都一流。熱辣辣剛好燙咀最好味，飲完暖笠笠，好幸福啊！
原盅淮山杞子燉螺頭雞湯，香濃至極。斤兩十足，大大盅勁抵飲，跟餐 $38 乍，平勻全條街，平靚正！雞湯香噴噴夾雜住海螺味道，先細嚐一口，甜美無
窮仲有酒香味道，超讚！即刻想全部倒晒入口呀，太好味喇！大家唔好爭，比晒我飲得喇，呵呵。螺肉雞肉當然無一幸免，盡歸我口中啦，湯渣都好香甜呢。
曉廚小炒皇，依味餸最能試到師傅既手藝，一食便知龍與鳳。小炒皇出場，顏色鮮豔，堆到成座山咁，好有氣勢，哈哈！鑊氣十足唔油膩，香味直攻大腦！韮菜花、蝦乾、魷魚絲、炸脆絲、腰果，配料好豐富喎。成堆撥入口試試，韮菜花爽甜多汁又無渣，蝦乾魷魚絲同樣嚥韌鮮味，脆條腰果香口卜卜脆。各種味道口感同時出現，非常有趣特別又美味！依個時候如果有支冰凍啤酒或 saka 就真係不得了喇！
麵醬龍鳳煲，師傅話係剛上板既煲仔菜，下個月仲會係雜誌會報導添。原來係麵醬炆龍躉球同雞球，雞肉香滑，而龍躉鮮甜嫩滑帶肉汁，彈彈的。兩煮都充滿麵醬咸香味道，good ！當然轉眼就比我地幾個消滅得一乾二淨，連冬菇冬筍都一件不漏。
頭抽乾炒牛河，品嘗完幾道正菜後，打算用乾牛河作結尾。可能剛才出場既太好味喇，依家壓軸既乾牛河顯得有點失色。鑊氣夠亦熱辣辣且香氣十足，但賣相、味道都有點強差人意。雖然顏色鮮明又均勻，不過河粉炒得較碎，牛肉醃得過深色，味道偏咸且太濁喇。整體免強合格，一試無妨，可以炒得再好一
點、賣相執得再靚一點。
試菜行動完畢，回歸北區，過幾日再試埋其他菜式先！
張貼
