盛八日式燒肉放題店 (已結業)

周日是我們的三十三月天，下午抽空出去食好0的慶祝下，揀左銅鑼灣盛八﹗盛八聽左好耐，都知佢主打日式燒肉，質素仲唔錯添﹗2:00pm，吃午飯的人已散，人客不算多，現場裝修都幾整齊，感覺舒服。見佢有個海鮮假日二人餐，有野燒又有沙律前菜白飯等，$185﹗再加多幾樣野食﹗套餐包面豉湯及蒸蛋。額外我地叫左個和牛來燒下﹗$78有七片﹗和牛都幾厚切，色澤鮮紅好鬼靚，不過以和牛來講個脂肪比例同雪花細紋就較少喇﹗每面輕輕煎佢一陣，入口味道相當軟糯，牛味慢慢滲出，滿口芳香，出奇地好食，唔係太肥我地反而感到幾滿意﹗有燒肉吃點會無酒呢﹗要左支熱清酒﹗飲番杯慶祝三十三月天﹗套餐的沙律及前菜﹗海鮮拼盤來喇，賣相真係好吸引﹗有兩隻大蝦﹗蒜味黑豚肉﹗味道豐腴肉味香濃，齒脥滿滿油脂芬芳。牛油帶子，好大隻，佢幫你手已切好一粒粒﹗燒起就可以食喇，好彈牙香甜﹗雞腿肉﹗由於連皮所以好易燒燶，這是失敗例子﹗果味牛肋骨﹗醃得帶甜味，幾特式好食，當然牛味不及和牛了﹗雜菇拼盤。佢地俾個錫紙盤我地燒，不過其實唔多受熱，隔住根本十年都未燒得熟﹗都係直接燒啦﹗整番個心影相留念下先﹗樣樣都不錯，係呢個蝦唔夠爽同彈牙，麻麻地﹗最後仲有雲呢拿雪糕作