影片
更多
2022-10-03
237 瀏覽
作為「我媽家姐」控，近來嘗了位於九龍城嘅三和叙，表示非常滿足！🤤三和叙顧名思義，主打三大類和食料理，包括壽司刺身、鐵板燒及爐端燒，而名字中嘅「叙」，喺日文就有聚會嘅意思。餐廳用餐區有三層（四樓及五樓係團體包房區），每層都分別主理唔同料理，下層係爐端燒，二樓食鐵板燒，而我今次食嘅Omakase則在三層。裝修都係一貫淺木色嘅和風吧枱及卡位，地方幾闊落舒服。✦ 「叙」晚市Omakase HK$1,880呢度晚市套餐由先付、刺身及酒肴、北海道蝦夷鮑、季節料理、壽司8貫、卷物、玉子燒、季節清湯、果物構成。份量非常足，CP值頗高！此外，魚鮮嘅質素及擺盤都相當不錯！當中特別印象難望係季節料理，有4款可比客人自由揀，而我當然揀咗矜貴嘅鐵板燒龍蝦，睇得出店家都幾不惜功本，成件事誠意十足！\先付/✨ 漬物 🍴3/5送有幾款開胃漬物，分別有牛蒡、蓮藕、榨菜同埋薑，正常發揮。✨ 山芋水雲草 🍴3.5/5白色的山芋蓉，加上滑溜嘅沖繩水雲草，仲加左酸汁，食落酸酸地好開胃。\刺身及酒肴/✨ 真鯛薄切、真鯛海膽卷 🍴4/5真鯛薄切二食，一款係魚肉加柚子皮酸汁及芽蔥同食，爽甜開胃；一款則係真鯛＋雲丹海膽，點was
作為「我媽家姐」控，近來嘗了位於九龍城嘅三和叙，表示非常滿足！🤤三和叙顧名思義，主打三大類和食料理，包括壽司刺身、鐵板燒及爐端燒，而名字中嘅「叙」，喺日文就有聚會嘅意思。
餐廳用餐區有三層（四樓及五樓係團體包房區），每層都分別主理唔同料理，下層係爐端燒，二樓食鐵板燒，而我今次食嘅Omakase則在三層。裝修都係一貫淺木色嘅和風吧枱及卡位，地方幾闊落舒服。
✦ 「叙」晚市Omakase HK$1,880
呢度晚市套餐由先付、刺身及酒肴、北海道蝦夷鮑、季節料理、壽司8貫、卷物、玉子燒、季節清湯、果物構成。份量非常足，CP值頗高！此外，魚鮮嘅質素及擺盤都相當不錯！當中特別印象難望係季節料理，有4款可比客人自由揀，而我當然揀咗矜貴嘅鐵板燒龍蝦，睇得出店家都幾不惜功本，成件事誠意十足！
\先付/
山芋水雲草
26 瀏覽
0 讚好
0 留言
✨ 漬物 🍴3/5
送有幾款開胃漬物，分別有牛蒡、蓮藕、榨菜同埋薑，正常發揮。
✨ 山芋水雲草 🍴3.5/5
白色的山芋蓉，加上滑溜嘅沖繩水雲草，仲加左酸汁，食落酸酸地好開胃。
\刺身及酒肴/
真鯛薄切、真鯛海膽卷
18 瀏覽
0 讚好
0 留言
✨ 真鯛薄切、真鯛海膽卷 🍴4/5
真鯛薄切二食，一款係魚肉加柚子皮酸汁及芽蔥同食，爽甜開胃；一款則係真鯛＋雲丹海膽，點wasabi及醬汁食，彈牙魚肉加鮮甜海膽，口感豐富。
北海道仙鳳趾生蠔
6 瀏覽
0 讚好
0 留言
✨ 北海道仙鳳趾生蠔 🍴4/5
生蠔伴有海葡萄、柚子酸汁及辣蘿蔔，正路組合，非常好食！建議先食頭嘅部分先，口感較爽，肚位則較creamy濃郁。
明石八爪魚
17 瀏覽
0 讚好
0 留言
✨ 明石八爪魚 🍴3.5/5
呢度食到嘅明石八爪魚相當厚切，則一點都唔韌，八爪魚汁有日式煮酒、味醂，清清甜甜，上面仲掃有柚子皮，簡單加wasabi就好惹味！
帆立貝、象拔蚌伴蒓菜
4 瀏覽
0 讚好
0 留言
✨ 帆立貝、象拔蚌伴蒓菜 🍴3/5
師傅先拍吓兩款貝類，等肉裡嘅神經收縮，提高爽口質感，灑上岩鹽，鮮味十足。可惜貝肉下係蒓菜，蒓菜溝咗酸汁，好濃味，有少少搶咗貝肉嘅味。三款食材分開咁食都正，但夾埋一齊就唔太啱。
北海道蝦夷鮑
8 瀏覽
0 讚好
0 留言
✨ 北海道蝦夷鮑 🍴4.5/5
清蒸2小時製成，鮑魚非常軟腍彈牙，再點上自家製鮑魚肝醬，味道層次豐富！鮑魚底下有少少骨膠原湯，喺清蒸時留下，非常鮮甜，輕鬆飲晒！
鹽燒赤鯥魚
2 瀏覽
0 讚好
0 留言
✨ 鹽燒赤鯥魚 🍴3.5/5
用上備長碳燒製，魚肉外脆內Juicy，魚油混合炭火香，簡單又好食！
鰆魚
12 瀏覽
0 讚好
0 留言
✨鰆魚 🍴4/5
用禾稈草煙燻鰆魚，再加上芽蔥及茗荷同食。鰆魚肉嫩，肉質飽滿，同禾稈草香好襯！
\季節料理/
白蘑菇鐵板燒澳洲龍蝦
16 瀏覽
0 讚好
0 留言
✨ 白蘑菇鐵板燒澳洲龍蝦 🍴4/5
將蝦肉溝埋蝦膏及忌廉燒製，下面伴有生紫洋蔥，蝦肉鮮味爽口，蘑片脆薄，幾有口感。
\壽司8貫/
石垣貝壽司
11 瀏覽
0 讚好
0 留言
1️⃣ 石垣貝壽司 🍴3.5/5
經過拍打，石垣貝更彈牙爽口，簡單加岩鹽就好夠味。
富山灣白蝦壽司
2 瀏覽
0 讚好
0 留言
2️⃣ 富山灣白蝦壽司 🍴3.8/5
肥美嘅富山灣白蝦，膠質重，好鮮甜黏口，配柚子皮及醬油。
鰤魚壽司
7 瀏覽
0 讚好
0 留言
3️⃣ 鰤魚壽司 🍴3.8/5
因為日本魚季亂了，意外食到鰤魚（即10公斤以上油甘魚），肥美爽口，不錯。
中拖羅壽司
6 瀏覽
0 讚好
0 留言
4️⃣ 中拖羅壽司 🍴4.5/5
呢度用宮城縣野生鮪魚，中拖已魚味極濃，配上醬油，超正，食完有感動感覺！
秋刀魚磯邊卷
9 瀏覽
0 讚好
0 留言
5️⃣ 秋刀魚磯邊卷 🍴4/5
去到尾聲已經好飽，師傅好體貼特別為我將原本嘅秋刀魚壽司，改為無飯嘅磯邊卷！👏🏻雖然季頭，秋刀魚未係話最好味，但個人都覺得好正啦！
大拖羅壽司
9 瀏覽
0 讚好
0 留言
6️⃣ 大拖羅壽司 🍴3.5/5
呢款大拖羅對比中拖較遜色，肉味較淡，不過入口即化，口感還是不錯。
黑鯥魚壽司
9 瀏覽
0 讚好
0 留言
7️⃣ 黑鯥魚壽司 🍴4/5
用備長碳燒黑鯥魚，炭火香好濃，魚肉彈牙滑嫩，好食！
白海膽壽司
8 瀏覽
0 讚好
0 留言
白海膽壽司
4 瀏覽
0 讚好
0 留言
8️⃣ 白海膽壽司 🍴4/5
海膽肥厚，質感似雪糕般creamy，入口鮮味停留鼻腔長久，非常高質！
\卷物/玉子燒/
乾飄卷、玉子燒
10 瀏覽
0 讚好
0 留言
✨ 乾飄卷 🍴3.5/5
用胡蘆瓜製成嘅卷物，甜甜地。
✨ 玉子燒 🍴4/5
幾蝦打成蓉，加入蛋液焗製，好似布丁質地，甜甜鮮鮮。
\季節湯品/果品/
大蜆鮮魚湯
26 瀏覽
0 讚好
0 留言
✨ 大蜆鮮魚湯 🍴3.5/5
魚白湯入面有蘆筍、豆腐、大蜆及素魚翅，湯好鮮甜，讚！
紫蘇花香印提子
13 瀏覽
0 讚好
0 留言
✨ 紫蘇花香印提子 🍴4/5
紫蘇花嘅清香，豐富了香印提子嘅爽甜，兩樣嘢估唔到咁夾！
張貼
