譚仔三哥米線 (富盛大廈)

營業中

休息中

早前又黎呢間譚仔食飯，而經係午飯時間。多人到爭找唔到位呀。而我地三個食左個過橋米線、麻辣雞翼同叫多碗米線。過橋米線係有哂所有材料既米線，整體上材料都好新鮮美味。而米線整得剛剛好，唔會太淋既。湯底係特辣既，唔知點解今次既辣比平時既辣呢？腩肉、牛肉米線腩肉肥瘦適中，牛肉就幾好味既，份量又夠多。唔錯既。麻辣雞翼呢個係即炸既，所以都等左一段時間。雞翼炸得好味，皮好脆口，而雞翼醃得好入味。雖然個價錢都幾貴下，但都值既。凍奶茶今次都幾好飲既，如果落多小小奶就好啦。話說今餐見到一個中年男人，係佢俾碟雞翼我地既，原來佢係老細三哥，之後我叫左佢一聲三哥，佢向我會心微笑。仲問我地野食好唔好味。當然我地都讚賞食物同比意見令佢地做得更好，三哥加油呀！我而家先知道譚仔米線有三哥既話，就係三哥所管理既。感覺上，三哥既譚仔係比其他譚仔好食。