泰玖

營業中

休息中

同行朋友都好喜歡食泰菜的，千挑萬選選中呢一間，網上講到真正泰國廚師煮理，滿懷期望佢幫襯；但食物質素及味道簡直真心失望。椰子沙冰嚟到係一杯椰子汁加冰，串燒又乾又硬，炸蝦餅炸魚餅係室溫偏凍；明顯係一早炸好放喺度備用。青咖哩雞啲雞肉一陣雪味；青咖哩仲衰過啲預製菜，飛天通菜仲衰過自己屋企炒嘅。濕炒豬咸到一個點。全晚最能比較接受，只可以話係蒜蓉包同薄餅。泰奶茶還可以啦，橙茶同蜜桃茶無限添飲係唯一覺得做得最好。樣樣嘢都好冇誠意，唔覺得係出自泰國師傅嘅製作。