影片
更多
2022-06-08
1066 瀏覽
米芝連三星預約困難中菜廳人均消費：$1200總結：大失所望————————————————————————話說龍景軒係勁難book. 但我又真係好想試下呢間連續咁多年都攞三星嘅中菜廳究竟有幾勁，所以就趁去Four Seasons staycation 嘅時候問埋酒店有冇得book，最終有幸可以試到.一般中菜廳都會有啲香口小食提供，但龍景軒冇.餐前小食 - 一舊玉子上面有啲涼菜，好普通，亦唔特別令人開胃，唔係好理解佢嘅作用. 廚師精選拼盤（叉燒、乳豬、炸蠔）$260 - 叉燒一般，個人比較鍾意天龍軒嘅叉燒. 乳豬皮脆，但鹹左啲. 炸蠔有柚子汁伴住，但個蠔冇味的.皇湯雞絲羹 $340- 非常濃郁，好香嘅雞味，呢個值得叫. 不過share會好啲，因為會好膩.黑松露龍蝦春卷 $440 - 本來expect 裡面係啖啖結實嘅龍蝦肉，但原來係龍蝦蓉，雖然同預想中有出入，但都好食嘅. 至於值唔值就見仁見智喇.龍帶玉梨香 $480 - 令我地好失望嘅一道菜. 帶子蝦膠加一片梨，帶子同蝦係冇味，而梨都唔係爽脆. 三樣野加埋好似好理想咁，但食嘅時候感覺唔到佢地點樣可以互相輝映. 令人黑人問號嘅招牌菜.梅
[龍景軒]
米芝連三星預約困難中菜廳
人均消費：$1200
總結：大失所望
————————————————————————
話說龍景軒係勁難book. 但我又真係好想試下呢間連續咁多年都攞三星嘅中菜廳究竟有幾勁，所以就趁去Four Seasons staycation 嘅時候問埋酒店有冇得book，最終有幸可以試到.
一般中菜廳都會有啲香口小食提供，但龍景軒冇.
餐前小食 - 一舊玉子上面有啲涼菜，好普通，亦唔特別令人開胃，唔係好理解佢嘅作用.
廚師精選拼盤（叉燒、乳豬、炸蠔）$260 - 叉燒一般，個人比較鍾意天龍軒嘅叉燒. 乳豬皮脆，但鹹左啲. 炸蠔有柚子汁伴住，但個蠔冇味的.
皇湯雞絲羹 $340- 非常濃郁，好香嘅雞味，呢個值得叫. 不過share會好啲，因為會好膩.
黑松露龍蝦春卷 $440 - 本來expect 裡面係啖啖結實嘅龍蝦肉，但原來係龍蝦蓉，雖然同預想中有出入，但都好食嘅. 至於值唔值就見仁見智喇.
龍帶玉梨香 $480 - 令我地好失望嘅一道菜. 帶子蝦膠加一片梨，帶子同蝦係冇味，而梨都唔係爽脆. 三樣野加埋好似好理想咁，但食嘅時候感覺唔到佢地點樣可以互相輝映. 令人黑人問號嘅招牌菜.
梅子煎釀花枝蟹鉗 $320 - 我地叫左好幾樣海鮮嘅菜，佢地嘅共通點係冇海鮮嘅鮮甜味，呢個蟹鉗係食唔出任何味道，只係食到好濃味啲梅子汁，完全冇蟹或者花枝嘅味. 去飲宴嘅蟹鉗分分鐘好食過呢個.
炸釀鮮蟹蓋 $320 - 用花蟹拆肉做，所以唔係啖啖厚身蟹肉. 但都食得出蟹肉鮮甜，符合預期嘅一道菜.
楊枝甘露（又唔記得影）$92 - 竟然甜品係今晚最好食嘅一樣野. 芒果夠甜，推介.
然後茶藝師沖左桂圓茶比我地消滯，茶藝師嘅service同埋茶嘅味道帶番米芝連三星嘅感覺比我地. 最後送嘅茶點味道都附合預期.
總括而言，呢餐係非常失望嘅，佢咁難book嘅時候客人對佢地會有一定嘅期望. 其他同事嘅服務唔係話唔好，但唔係預期中會喺四季遇到嘅水平. 個人覺得淨講食物，連一星都比多佢. 我地已經揀啲熱門推薦嘅菜式，但都唔覺得驚艷，只有滿頭問號. 因為網上嘅食評都一面倒讚到上天，但平心而論食到中途真係燥燥地.😂可能午市食茶點會好啲？或者純粹我bad luck？可以肯定嘅係今次試左叫做圓左個心願，心都死埋唔會想encore.
******************************
龍景軒 (中環)
中環金融街8號香港四季酒店4樓
張貼
