101肉燥飯專門店 (厚福街) (已結業)

行行下尖沙咀，諗住去食晚餐， 行咗幾個鐘頭， 都未諗到食咩好， 所以就一見到呢一間 ，相對其他店比較平， 就決定入去食 。主要原因係俾佢個poster吸引住 ，一個火鍋68蚊。 好似好平咁。 點知入到去發現二人餐火煱要二百幾， 再睇下其他menu 先發覺原來間野係食肉燥飯嘅， 所以就叫做一個肉燥飯餐同埋一個三杯雞火鍋。 肉燥飯其實都唔錯好惹味，但係肉燥實在太少 ，食落口都沒有肉燥。 分量如果多少少會更加好。 至於三杯雞火鍋 ，真係68， 仲有嘢飲好抵食 。不過個餐牌寫著有牛肉， 原來係要加錢，有啲失望。仲有一個面跟埋。都唔錯 。三杯雞我其實唔知係咩味，但係個煲有啲似雞煲個種味。少少辣， 少少甜 ，味道唔錯。 野飲方面有蘋果醋同珍珠奶茶，份量十足。 蘋果醋有啲酸，不是人人也能接受到。 140左右食飽兩個人都算唔錯。