犇道 (已搬遷) 新店位置

行到又攰又餓係時候搵食啦，經過見到呢間，食日式西餐，快啲試吓！呢度係主菜加$28有味增湯，湯夠熱。日本龍蝦沙律，食落淡淡龍蝦肉。日本漢堡蛋包飯，好大堆頭，漢堡扒咬落好有口感，食到粒粒肉碎，仲好有肉味，蛋好滑，而且好夠汁，正！厚燒鰻魚飯配黑松露炒滑蛋，真係原條鰻魚，好抵食，粒粒珍珠米，食落軟綿綿有咬勁。松露醬燒帶子，原粒大大隻帶子，鮮甜新鮮，食落好爽身！跟餐有甜品，係日本焦糖布甸，個匙羹好得意，成塊膠布咁！跟餐飲品原價減$10，我哋叫咗熱柑橘同凍朱古力。