影片
更多
2009-05-28
106 瀏覽
(有相) 277 回: 三聖容龍 KFC 芝士開邊龍蝦!http://hk.myblog.yahoo.com/goodboy_philip/article?mid=34559接番尋日篇無聊 BLOG: 好唔好食又睇落去 277 回前傳: 好孩子爸與好孩子的對話! 笑! 今日講番容龍 D 野食先! 好唔好食? 又睇落去?好女童同好男童去左三聖呢間叫 "關財記" 買海鮮!拎上容龍煮! 地址: 屯門青山公路19咪半大家去之前, 記得 BOOK 枱, 當日唔係母親節正日都爆滿!辣酒煮花螺: 呢個係容龍招牌菜之一, 辣味十足, 酒味唔算濃。D 螺肉好爽, 按住個殼用竹簽一撩, 送住汽水食, 都唔錯吖!KFC 芝士開邊龍蝦: 用點解叫佢 KFC, 因為外型好似肯登基家鄉雞 D 炸皮咁! 不過一 D 都唔油膩, 好勁! 一隻龍蝦開兩邊, 咬落外層似酥皮, 中層係芝士, 底層就係龍蝦肉! 厲害之處係外殼炸得脆, 而 D 肉仲係咁有彈性 , 啖啖肉連焗芝士一齊食, 好好味! 連殼食少少, 更有龍蝦味! 比平時食既切件龍蝦更有咬口! 推介!砵酒焗蠔: 另一招牌菜,0係關財記揀肥美蠔去煮, 使錫紙包住上枱,
http://hk.myblog.yahoo.com/goodboy_philip/article?mid=34559
接番尋日篇無聊 BLOG: 好唔好食又睇落去 277 回前傳: 好孩子爸與好孩子的對話! 笑! 今日講番容龍 D 野食先! 好唔好食? 又睇落去?
好女童同好男童去左三聖呢間叫 "關財記" 買海鮮!
拎上容龍煮! 地址: 屯門青山公路19咪半
大家去之前, 記得 BOOK 枱, 當日唔係母親節正日都爆滿!
辣酒煮花螺: 呢個係容龍招牌菜之一, 辣味十足, 酒味唔算濃。D 螺肉好爽, 按住個殼用竹簽一撩, 送住汽水食, 都唔錯吖!
KFC 芝士開邊龍蝦: 用點解叫佢 KFC, 因為外型好似肯登基家鄉雞 D 炸皮咁! 不過一 D 都唔油膩, 好勁! 一隻龍蝦開兩邊, 咬落外層似酥皮, 中層係芝士, 底層就係龍蝦肉! 厲害之處係外殼炸得脆, 而 D 肉仲係咁有彈性 , 啖啖肉連焗芝士一齊食, 好好味! 連殼食少少, 更有龍蝦味! 比平時食既切件龍蝦更有咬口! 推介!
砵酒焗蠔: 另一招牌菜,0係關財記揀肥美蠔去煮, 使錫紙包住上枱, 一開! 哇 (美女廚房0個 D 上碟哇聲!), 好香! D 蠔無因為煮過而縮到細細蠔豉 SIZE, 仍然肥美而且好入味! 尤其係蠔裙邊, 好味到食左五件! 推介!
蒜蓉粉絲扇貝, 味道無咩特別! 扇貝 SIZE 唔太大隻! 好兒童要打手板!
籠仔羔蟹糯米飯: 用蔥蒜蟹羔蒸糯米, 撈暈食似糯米"雞"!唔使拆骨, 一啖蟹肉幾啖糯米飯, 幾好撈! 雖然對蟹羔麻麻地, 不過有糯米飯撈當然多多都食得哂啦!
最後原來有西瓜! BONUS 野無咩特別!
連埋買海鮮同容龍煮食費, 五個人千二! 覺得抵食過西貢, 好味過流浮山!
環境: 3 (酒樓式裝潢, 夠光猛! 有 VIP 房。)
衛生: 3 (正常)
服務: 3 (有位部長好似賭神個龍五, 唔 COOL 仲好有禮貌!)
設計: 2 (無 Menu, 同待應講點整 D 海鮮攪掂!)
味道: 4 (食海鮮好少食到眼眉飛色舞, 呢次第一次!)
價錢: 3 (味道, 新鮮度同價錢成正比, 所以合理!)
最終評分: 3.5 砵酒焗蠔同芝士開邊龍蝦真係好好味!!!有機會一定再食!
關財記, 容龍海鮮酒家, 容龍, 容龍別墅, 海鮮, 日本, 好孩子
張貼
