青山灣漁港

營業中

休息中

今日長老話去試下三聖間新酒樓。其實間酒樓都開左差不多半年，不過既然未試過今日就試下啦。屯門區酒樓一向多人又難等位，唔知佢多唔多人呢？依間佢因爲係舊酒樓翻新，重新裝修後分成不同食肆，其中一間就係依間新酒樓。我行到門口，係直接有位，𥚃面仲唔少吉台，都算好乾淨，位與位之間唔算寬敞，但因為午茶唔多人，所以都算舒適。坐低睇餐牌、價錢、點心紙，假日紅日都唔算平，但又唔係成日飲茶，不過平日堅平好多。長老同我都唔大食，叫左幾樣加個粥及燒味飯就算。我叫左個燒鵝燒腩仔雙併 ，一碗魚蓉粥，酒樓必叫既牛肉球，叉腸，釀青椒。先講雙併兩樣野既皮都好脆 不過好似冇乜肉咁，女仔仲要細食就剛剛好。如果諗住分享就唔好啦。釀青椒。夠熱 好味 都有四大舊。芥菜魚蓉粥，冇乜味，但唔腥，老人家小朋友啱食。牛肉球。又唔錯啵。夠熱，有芫茜，馬蒂，但酒樓既喼汁冇乜味。叉燒腸粉。一上枱。凍既？ 味道唔難食 ，但點心唔熱真係好難接受。唔多茶客都唔可以快些送比客食既？三個人 茶芥加一。食兩中兩大一個燒味併。多謝$230。埋單係自己行去cashier比錢。可能依間新式酒樓係自助形式吧。