影片
更多
2018-12-27
161 瀏覽
是日同朋友黎長洲一日遊，由朋友帶路去食大名鼎鼎既允升甜品，第一次經過果陣甜品鋪入邊人好多，所以我地決定行多陣長洲先去食，果然第二次經過果陣鋪仔就冇咩人啦，我地當然二話不說就入去啦！一坐底朋友就不斷推介三色河粉，點知店員話冇河粉啦，因為允升係長洲有分店，所以我地就商量洗唔洗去第二間食河粉既時候，店員就突然話不如我幫你打去問下第二間有冇貨啦，好好彩第二間仲有少量貨，於是我地準備去第二間，點知店員超好人，話叫我地唔洗去，佢過去幫我地攞過黎，其實長洲果日有啲落雨，所以真係好感激佢甘幫忙。店員大多都係中年女性，即刻果種睇落惡，其實大多都心善既。呢到落單都幾特別，同店員講完，店員會大聲嗌去話落咩，落單紙只係寫上價錢。等待店員拎河粉黎果時，我地都點左其他甜品，朋友們點左什果雪糕西米同大西米，我就點左什果綠晶，再同朋友share 三色河粉同榴槤糯米糍。平均一個甜品都係二十幾至三十，榴槤糯米糍就十三蚊一個。等左陣啲甜品上哂，三色河粉我地揀左芒汁，果然超好食，我覺得透明綠果隻河粉最好食，因為好爽口，我自己因為唔中意食芝麻，所以對黑河粉比較冇咩好感，白河粉就最掛汁，真係好好食，冇令人失望。榴槤糯米糍因為比較
一坐底朋友就不斷推介三色河粉，點知店員話冇河粉啦，因為允升係長洲有分店，所以我地就商量洗唔洗去第二間食河粉既時候，店員就突然話不如我幫你打去問下第二間有冇貨啦，好好彩第二間仲有少量貨，於是我地準備去第二間，點知店員超好人，話叫我地唔洗去，佢過去幫我地攞過黎，其實長洲果日有啲落雨，所以真係好感激佢甘幫忙。店員大多都係中年女性，即刻果種睇落惡，其實大多都心善既。呢到落單都幾特別，同店員講完，店員會大聲嗌去話落咩，落單紙只係寫上價錢。
等待店員拎河粉黎果時，我地都點左其他甜品，朋友們點左什果雪糕西米同大西米，我就點左什果綠晶，再同朋友share 三色河粉同榴槤糯米糍。平均一個甜品都係二十幾至三十，榴槤糯米糍就十三蚊一個。
等左陣啲甜品上哂，三色河粉我地揀左芒汁，果然超好食，我覺得透明綠果隻河粉最好食，因為好爽口，我自己因為唔中意食芝麻，所以對黑河粉比較冇咩好感，白河粉就最掛汁，真係好好食，冇令人失望。榴槤糯米糍因為比較濃味，所以我地放到最後食，四個字皮薄餡靚，榴槤係爆漿既程度，岩哂中意食榴槤既人。至於其他甜品就比較普通，我自己食既綠晶，啲綠晶有淡淡茶味，但相比起河粉就普通左啲啦～
整體黎講，店員係面惡心善，講野大聲但有禮貌，而且仲幫我地去第二間攞河粉，真係好好人。食物質素高，推介大家黎試三色河粉。
三色河粉(芒汁)
$27
19 瀏覽
0 讚好
0 留言
什果綠晶，榴槤糯米糍，什果雪糕西米，什果雪糕大西米，三色河粉
26 瀏覽
0 讚好
0 留言
張貼
