影片
更多
2021-09-26
363 瀏覽
3訪試真啲實錄！ 點解要3訪，係因為呢間車仔麵太抵食，見到佢地都好有心想搞好間鋪，但第一次初訪，我覺得真係麻麻…但個價錢實在太抵食😭 #四哥車仔麵 泰式海南雞。我同男友各自叫左3餸麵同4餸麵，再每人一杯凍奶茶，再加一碟腐乳通菜，埋單時，只係$96 😱😱😱 我以為計錯數呀！！因為太鐘意食車仔麵，加上係紅磡，收得夜，10:00後仲有外賣，簡直係沙漠中的方舟～～ 所以我諗，可能啲餸唔岩，試下其他餸，可能個湯底唔岩，試下叫第2隻湯底…就係咁我試左3日…初訪：滷水豬大腸，豬皮，魚皮餃（秘制辣汁）｜凍奶菜｜腐乳通菜話就話秘制辣汁，不過個湯無咩味，食左兩啖，叫佢地加少少沙嗲汁比我…還是差少少味…雖然滷水豬大腸并不是我預期的味道，不過都可以係推薦之一，而豬皮就正常，魚皮餃就麻麻…二訪：豬頸肉，金菇，韭菜餃（麻辣汁）｜凍奶茶｜腐乳通菜麻辣汁湯底，又是差一點味道，但比秘制辣汁好一點…豬頸肉OK, 韭菜餃還好…三訪：咖喱魚蛋，芝心丸，麻辣金錢肚（沙嗲湯底+腩汁）｜凍奶茶｜腐乳通菜今次終於近似我想要的味道了🤩 湯底加了腩汁，同埋我發現左原來一直有兜 #辣菜脯 可以比客人隨意加～加左辣菜脯後，湯底即時變得惹味
3訪試真啲實錄！ 點解要3訪，係因為呢間車仔麵太抵食，見到佢地都好有心想搞好間鋪，但第一次初訪，我覺得真係麻麻…但個價錢實在太抵食😭 #四哥車仔麵 泰式海南雞。
我同男友各自叫左3餸麵同4餸麵，再每人一杯凍奶茶，再加一碟腐乳通菜，埋單時，只係$96 😱😱😱 我以為計錯數呀！！
因為太鐘意食車仔麵，加上係紅磡，收得夜，10:00後仲有外賣，簡直係沙漠中的方舟～～ 所以我諗，可能啲餸唔岩，試下其他餸，可能個湯底唔岩，試下叫第2隻湯底…就係咁我試左3日…
初訪：滷水豬大腸，豬皮，魚皮餃（秘制辣汁）｜凍奶菜｜腐乳通菜
話就話秘制辣汁，不過個湯無咩味，食左兩啖，叫佢地加少少沙嗲汁比我…還是差少少味…雖然滷水豬大腸并不是我預期的味道，不過都可以係推薦之一，而豬皮就正常，魚皮餃就麻麻…
二訪：豬頸肉，金菇，韭菜餃（麻辣汁）｜凍奶茶｜腐乳通菜
麻辣汁湯底，又是差一點味道，但比秘制辣汁好一點…
豬頸肉OK, 韭菜餃還好…
三訪：咖喱魚蛋，芝心丸，麻辣金錢肚（沙嗲湯底+腩汁）｜凍奶茶｜腐乳通菜
今次終於近似我想要的味道了🤩 湯底加了腩汁，同埋我發現左原來一直有兜 #辣菜脯 可以比客人隨意加～加左辣菜脯後，湯底即時變得惹味！
咖喱魚蛋幾好，麻辣金錢肚呢…就食唔到麻辣…但唔算差的，而芝心丸就正常（如果難食都幾大鑊）
至於點解次次都係腐乳通菜？隨左鐘意食外，就係只需$12 就有一碟🔥🔥
好喇，三次訪察後，我只能講可以去試既～而作為紅磡一族既我…應該都會經常去既…
另外，佢地仲有海南雞，留返放假午飯時間去試下先～～
張貼
