東海堂 (滙景廣場)

營業中

休息中

平時好少食東海堂嘅麵包，因為屋企附近冇分店，今次經過藍田嘅東海堂，順便買啲方包當早餐。店入面嘅麵包款式唔多，我睇中左呢款芝士軟包。麵包係原個入，冇切片，賣相靚，本身冇餡，適合搽果醬或者夾火腿生菜，成條價錢係24蚊。用八達通比錢yuu可以儲分。⭐三重濃厚芝士軟包麵包非常鬆軟，每一啖都食到鹹香味，雖然加左三種芝士（車打芝士、巴馬臣芝士、馬蘇里拉芝士），但冇咩芝士味，如果你期待食到好重芝士味嘅麵包買呢款肯定會失望。除非你鐘意食超鬆軟嘅麵包，如果唔係唔建議買，因為價錢唔平而且唔飽肚。