Cherry Tokyo Cafe (將軍澳中心) (已結業)

呢間Cafe全港得返一間分店，就係位於將軍澳中心中庭嘅位置，環境舒適開揚，裝修好有日本風格，木色為主嘅簡約風~今次叫咗一份三重芝士味牛肉漢堡🍔&香蒜辣椒魷魚意粉🍝三重芝士真係不得了！芝味十足，你見個芝士好厚就知！唔係講笑，除咗芝士好厚之外，塊牛肉都好厚！一啖咬落去個口充滿住芝士同牛肉，d肉汁又佈滿成個口，加上蕃茄+生菜令個漢堡有清新嘅感覺，真係想食多個🤤另外佢嘅薯條都炸得幾好，絕對唔油膩！而個魷魚意粉就蒜味好夠，仲有好多粒添🤣啲意粉充滿着蒜頭同埋魷魚嘅香，都可以一試，但份量我就覺得少咗啲，如果肚餓嘅話就未必夠食嚕~