宜家家居美食站

營業中

休息中

ikea 成日都出唔同口味既新地，佢marketing 每次都做得好好，令人好想試，但奈何一直都冇機會去食，所以今次經過，又見到係開心果，就即刻試試佢。睇佢本身張相好吸引，多開心果醬又鋪門開心果粒，加埋滿滿既雪糕。但最後我手上既新地就好似有d 貨不對辦。雪糕本身唔濃開心果味，偏水，唔係重奶。開心果醬唔算多，但佢係成個新地主要開心果味既來源。開心果碎，個職員好似好努力倒出黎，但好似倒極都倒唔出，當倒出之後，下，乜完架喇。忍唔住問可唔可以再要多少少，佢倒多兩下...結果要"多"開心果碎，都只係圖片咁樣...食到一半就開始覺得有d 甜，不過兩人share 住食，又買左支水飲，覺得還好啦。