影片
更多
2021-12-01
679 瀏覽
本身星期六係特登黎新蒲崗食第二間同區舊式車仔麵，但唔好彩冇開，所以馬上OpenRice睇下附近有邊間都係食車仔麵。舖面內裹都企理闊落，食得舒服。餸都係普通車仔麵店嘅，冇話太特別🍲油麵加秘製汁 (豬大腸、豬紅、雞中翼) $39★★★☆☆油麵份量足，唔會太林同脤哂，正常OK。秘製汁係辣汁，加埋本身甜甜地既湯底都幾夾，但個辣味比較單一，冇太大驚喜。豬大腸夠味但煮得過淋，變相食落冇哂口感，有D可惜。豬紅好食，佢係辣味嘅，冇腥味同怪味，裹面夠淋同滑，但出面仲保留少少口感。滷水雞中翼D肉整得唔夠滑，個滷水味唔算好出，偏甜似瑞士汁多少少。🍲米線清湯 (薑汁豬潤、蘿蔔、豬皮) $39★★☆☆☆呢間店個清湯底係醬油底，味道偏甜，同本身EXPECT嘅清湯唔同，米線正常但份量偏少比起油麵。薑汁豬潤係厚切大塊嘅，但食唔到有薑汁味道，同埋有幾塊係完全唔熟，入口個質感好生下，真係食唔落口。蘿蔔冇渣，但應該用左糖水去煮，食落得個甜味，蓋過哂蘿蔔本身個清甜味。豬皮幾好食，冇異味，做到爽脆口感。🍲必食豬手 $32★★★★☆小食黎講幾抵食，$32有5-6大舊豬手；炆得淋身同埋入味，但味道都係偏甜，似係用雞中翼一樣嘅汁去煮
本身星期六係特登黎新蒲崗食第二間同區舊式車仔麵，但唔好彩冇開，所以馬上OpenRice睇下附近有邊間都係食車仔麵。舖面內裹都企理闊落，食得舒服。餸都係普通車仔麵店嘅，冇話太特別
🍲油麵加秘製汁 (豬大腸、豬紅、雞中翼) $39★★★☆☆
油麵份量足，唔會太林同脤哂，正常OK。秘製汁係辣汁，加埋本身甜甜地既湯底都幾夾，但個辣味比較單一，冇太大驚喜。豬大腸夠味但煮得過淋，變相食落冇哂口感，有D可惜。豬紅好食，佢係辣味嘅，冇腥味同怪味，裹面夠淋同滑，但出面仲保留少少口感。滷水雞中翼D肉整得唔夠滑，個滷水味唔算好出，偏甜似瑞士汁多少少。
🍲米線清湯 (薑汁豬潤、蘿蔔、豬皮) $39★★☆☆☆
呢間店個清湯底係醬油底，味道偏甜，同本身EXPECT嘅清湯唔同，米線正常但份量偏少比起油麵。薑汁豬潤係厚切大塊嘅，但食唔到有薑汁味道，同埋有幾塊係完全唔熟，入口個質感好生下，真係食唔落口。蘿蔔冇渣，但應該用左糖水去煮，食落得個甜味，蓋過哂蘿蔔本身個清甜味。豬皮幾好食，冇異味，做到爽脆口感。
必食豬手
$32
38 瀏覽
0 讚好
0 留言
★★★★☆
小食黎講幾抵食，$32有5-6大舊豬手；炆得淋身同埋入味，但味道都係偏甜，似係用雞中翼一樣嘅汁去煮，同埋有幾舊清唔乾淨D毛。
秘製鳳爪
$32
23 瀏覽
0 讚好
0 留言
★★★☆☆
一開始以為係泰式個隻鳳爪，點知原來係虎皮鳳爪，望落同食落都似係酒樓個隻FEEL，但再多少少花椒、八角味道咁解，冇咩特別，正常，可能係辣嘅會吸引D。
🌟總括：如果專登黎老遠過黎食就冇咁嘅必要，我覺得每區都總會有呢個水準嘅車仔麵～D餸真係一DD睇彩數，有啲唔錯，有啲唔掂，湯底個人認為正常，冇大家講到咁特別。
張貼
