Wingman (船街) (已結業)

又到三點三下午茶時間，同女朋友搵好嘢食，去咗食雞翼。其實掙扎咗好耐食唔食雞翼放題，但因為有book咗枱食夜晚所以都係散嗌。今次叫咗spicy buffalo同芝麻海鮮醬。雞翼香脆，之後仲分別淋上啲兩隻汁，好惹味。spicy buffalo 開頭以為會好辣，但係都容易接受，辣中大有啲酸味，非常刺激。至於海鮮醬，就係我女朋友最愛，又甜又香。不過食呢啲嘢真係要配嘢飲，所以嗌左兩罐可樂。另外我哋再嗌左一份黑松露薯條。薯條炸到好香脆，再配上有黑松露嘅沙律醬，冇得彈。所以行行吓街想食個下午茶都可以嚟呢度。