馬仔粉麵

營業中

休息中

認真係麻甩佬打邊爐最佳之選！成班大男人飲飽食醉都只係每人兩舊水！雖然係市政局街市食堂，地方都算坐得幾舒服、通風好又唔逼夾。最緊要係阿姐態度非常友善，食幾次認得我班人之後好似返屋企食飯咁親切！食物方面，雖然唔係山珍海味，但係性價比上應真係冇得彈！牛肉＄200到一大碟，雖然係雪牛但係肉味及肉質一都唔差，好過好多火鍋店聲稱機刨「本地手切肥牛」。分量方面一碟頂人碟半至兩碟！更加值得一讚係脆骨腩，一丁點泥味都無、好食！P.S. 順帶一提，係馬仔記食飯仲可以叫埋隔離泰國菜食又有椰青、小食同甜品。不過衛生方面就冇馬仔咁好啦、有一次我食到隻小強事後佢請返我飲支啤酒就算數。